"Lan-segurtasunik gabe kalitatezko enplegurik ez" dagoela adierazi du Mendiak
Lan-arriskuen prebentzioa eta laneko segurtasuna aztertuko dituzte, gaur eta bihar, Bilbon, Euskalduna jauregian, nazioarteko 100 bat adituk. Erronka berriak eta aurrera begirako aliantzak lantzea izango dute helburu, Osalanek bere 30. urteurrenaren harira antolatuta, goizean abiatu den Laneko Segurtasun eta Osasunari buruzko Nazioarteko V. Biltzarrean. Hitzorduari hasiera eman dion ekitaldian, besteak beste, Idoia Mendia Eusko Jaurlaritzako bigarren lehendakariorde eta Lan eta Enplegu sailburuak hitz egin du. "Lan-segurtasunik gabe ez dago kalitatezko enplegurik", adierazi du, eta "elkarlanerako deia" egin die gaiarekin zerikusia duten eragile guztiei.
Zentzu horretan, eragile guztien "ahalegina" eta "parte-hartzea" beharrezkoak direla uste du, "inor ez baitago soberan". Lehenik eta behin, "enpresaburuak" aipatu ditu, laneko segurtasunean horiek duten "ardura zehatza" nabarmenduz, baina "prebentzioan lan egiten duten ordezkariak, lan-ikuskariak eta lan alorreko arduradunak" ere izan ditu hizpide, aliantzak beharrezkoak direla esateko.
Horrez gainera, langileen segurtasuna "eskubide bat" eta "lehiakortasunerako aukera bat" dela zehaztu du. Erantsi duenez, pertsonetan eta horien ongizatean inbertitzeak, "hitzaren zentzurik zabalenean", produktibitaterako "gehigarri erakargarri bat" izan behar du.
Azkenik, Osalanek azken hiru hamarkadotan egindako lana txalotu du sailburuak, eragile sozialekin eta ekonomikoekin batera egin duen lanean azpimarra jarriz. Erakundearen izaera publikoa ere nabarmendu du, horri esker, bere hitzetan, "arriskuaren kudeaketatik ongizatearen kudeaketara" igarotzea lortu baita.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.