Epaileak eta fiskalak Ministerioarekin bilduko dira soldaten igoera adostu eta greba mugagabea saihesteko
Epaileak eta fiskalak Justizia Ministerioarekin batzartuko dira gaur, asteazkena, Ordainsarien Mahaiaren bileran, soldatak eguneratzea adosteko eta, horrela, maiatzaren 16tik aurrera deitu duten lanuztea bertan behera uzteko.
Botere Judizialaren Kontseilu Nagusiak (BJKN) auzia gaurko 11:00etarako deitutako Ordainsarien Mahaiaren bilerara eramatea erabaki zuen; izan ere, apirilaren 24an Magistraturaren Elkarte Profesionalak (APM), Francisco de Vitoria Elkarte Judizialak (AJFV) eta Foro Judizial Independenteak (FJI) ohar baten bidez ohartarazi zuten soldatak igotzea adostu ezean greba mugagabea abiatuko zutela.
Demokraziarako Epaileak (JJpD) eta Fiskalen Batasun Aurrerakoia elkarte aurrerakoiak (UPF) ohar berean jakitera eman zuten ados zeudela sistema judiziala hobetzeko beharrarekin eta "egun duen geldialdiari" aurre egiteko diagnostikoarekin, baina ez ziren lanuztea egitearen alde agertu, gaurko bilerara itxaron beharko luketela uste baitzuten.
Greba mugagabearen deialdia formalizatu ostean, Gobernuko iturriek greba egiteko aukera ukatu zieten deitzaileei, euren esanetan, horrek Ordainsarien Mahaian sinisten ez zutela eta "eztabaidatzeko asmoa" izan beharrean "politikan eragiteko asmoa" zutela erakusten zuelako.
Azkenean epaile eta fiskalen lanuztea gauzatuz gero, aurten Justizian egiten den hirugarrena izango litzateke. Justizia Administrazioko letraduek bi hilabeteko geldialdia egin zuten, eta hilean 450 eurorainoko soldata-igoera lortu zuten.
Gauzak horrela, funtzionarioek manifestazioa egingo dute ostegun honetan, maiatzak 4, 12:00etan, Madrilgo Justizia Ministerioaren aurrean. Gainera, greba mugagabearen formatua aldatuko dute, eta aste honetako asteartean, asteazkenean eta ostegunean lanuzteak egitea erabaki dute.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.