1.191 langabe gutxiago zenbatu dituzte apirilean EAEn, eta 1.106 gutxiago Nafarroan
1.191 langabe gutxiago zenbatu zituzten apirilean Euskal Autonomia Erkidegoan, martxoko datuekin alderatuta (% 1,09ko jaitsiera), eta 1.106 gutxiago Nafarroan (% 3,46ko jaitsiera). Guztira, 108.001 langabe daude EAEn eta 30.844 Nafarroan.
Espainiako Gobernuko Lan eta Gizarte Ekonomiako Ministerioak gaur zabaldutako datuen arabera, urte arteko datuei erreparatuta, 7.553 langabe gutxiago zenbatu dituzte Lanbiden apirilean Araban, Bizkaian eta Gipuzkoan (% 6,54ko jaitsiera). Nafarroan, berriz, iazko datuak kontuan hartuta, 2.582 langabe gutxiago (% 7,72ko jaitsiera) zenbatu dituzte Nafarroako enplegu-agentzietan. Halaber, adin-tarte guztietan jaitsi da langabezia, bereziki gazteen artean, eta Nafarroako enplegu agentzietan.
Langabeziak behera egin du berriro EAEko lurralde guztietan, gizonen eta emakumeen artean, adin-tarte guztietan eta sektore guztietan. Lurraldez lurraldeko datuei erreparatuta, Gipuzkoan 226 langabe gutxiago daude (% 0,79 gutxiago), Bizkaian 654 gutxiago (% 1,07) eta Araban 311 gutxiago (% 1,61). Iazko hilabete bereko datuekin alderatuta, jaitsiera % 8,40koa izan da Gipuzkoan (2.287 gutxiago), % 6,67koa Bizkaian (4.338 gutxiago) eta % 3,19koa Araban (628 gutxiago).
Afiliazio datuei dagokienez, apirilean 997.243 pertsona zeuden EAEn Gizarte Segurantzan izena emanda, martxoan baino 2.588 gehiago. Langabezia datua 2008tik izandako txikiena da eta afiliazioa, ostera, inoizko handiena. Nafarroan ere gora egin du azken hilabetean afiliazio kopuruak, 2.832 gehiago baitira, 303.769ra iritsita.
Espainiako Estatuan, 2.788.370 langabe zeuden erregistratuta apirilean enplegu bulegoetan, martxoan baino 73.890 gutxiago (% 2,58ko jaitsiera). Iazko apiriletik hona jaitsiera % 7,75koa izan da (234.133 langabe gutxiago).
OHARRA: Eduki honek grafiko interaktibo bat du, app-tik kanpo behar bezala ikusteko, jarraitu esteka honi.
Eusko Jaurlaritzaren eta Nafarroako Gobernuaren balorazioa
Alfonso Gurpegui Enplegu eta Gizarteratzeko sailburuordearen agerraldiaren aurretik, Bingen Zupiria bozeramaileak apirileko langabezia datuen lehen balorazioa egin du.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.