Donostiako Udalak Jaurlaritzari eskatu dio alokairuko etxebizitzen prezioa kontrolatzeko neurriak ezar ditzala
Donostiako udalbatzak —talde guztien aldeko botoarekin, PPrena salbu— EH Bilduk eta Elkarrekin Donostiak alokairuaren harira aurkeztutako mozio bat onartu dute, zeinaren bidez Eusko Jaurlaritzari eskatu dioten eremu tentsionatu izendatzeko Etxebizitza Lege berriaren arabera horri dagozkion baldintzak betetzen dituzten gune guztiak, araua indarrean sartu bezain pronto, "prezioak kontrolatzeko neurriak lehenbailehen ezartzeko helburuarekin".
Alokairu-Benta Berri, Donostialdeako Kaleratzeak Stop eta Inquilinos Azora plataformek jarritako salaketa jasotzen du EH Bilduk, Elkarrekin Donostiak, EAJk eta PSE-EEk gaur onartutako mozioak. PP kontra agertu da.
EH Bilduko zinegotzi Ricardo Burutaranek nabarmendu du Donostian 1.937 etxebizitza daudela errentan emanda, eta Etxegintzan alokairurako izena eman dutenak, berriz, 18.000tik gora direla. Gainera, adierazi du, Eusko Jaurlaritzak iazko ekainean emandako datuetan oinarrituta, 13.219 donostiar daudela Etxebide zerbitzuan, alokairu zain . Horregatik guztiagatik, Burutaranen esanetan, "neurri gehiago" behar dira Donostian "etxebizitzaren arazoari" aurre egiteko.
Elkarrekin Donostiako bozeramaile Aitzole Aranetak, bestalde, esan du etxebizitzarena dela Gipuzkoako hiriburuak duen "arazo nagusienetakoa", eta 3.500 gaztetik gora hiritik joan behar izan direla, "ez dutelako hemen bizitzeko aukerarik".
PSE-EEko Marisol Garmendia pozik agertu da Etxebizitza Legearekin, eta gogora ekarri du sozialistek odolean daramatzatela "etxebizitzaren politika publikoak".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.