Albiste izango dira: EITB Focus, greba Osakidetzan eta Nekazaritza eta Klima Aldaketaren Mahaia
Honako gai hauek hartuko dituzte gaur, maiatzak 19, hedabideetako lerroburu nagusiak:
- EITB Focus: EITB Focus makroinkestak datorren maiatzaren 28ko udal hauteskundeetan euskal hiriburuetan eta herri batzuetan herritarren boto-asmoari buruzko emaitzak argitaratu ditu.
- Greba Osakidetzan: Gaur, maiatzak 19, Osakidetzan deitutako bi eguneko grebaren bigarren eguna izango da. ELA, Satse, LAB, SME (Euskadiko Sendagileen Sindikatua), CCOO eta UGT sindikatuek egin dute deialdia, Osakidetzaren "egoera larria" eta negoziazioaren "blokeoa" salatzeko. Osakidetzako zentroetan, arreta maila guztietan, zerbitzua ematen duten langile guztiei egin diete dei sindikatuek grebarekin bat egiteko; alegia, 42.302 langileri.
- Nekazaritza eta Klima Aldaketaren Mahaia: Lehorteari aurre egiteko neurriak aztertuko dituzte gaur EAEko erakundeetako eta lehen sektoreko ordezkariek 10:00etatik aurrera. Euri eskasiak eragin duen egoera aztertuko dute, eta aurrera begirako neurri-sorta adosten ahaleginduko dira. Oraingoz, urtegien egoera kezkatzekoa ez bada ere, etorkizunean lehorteak nekazaritzan eta abeltzaintzan sor ditzakeen arazoei aurre egitea da bileraren helburua.
Zure interesekoa izan daiteke
Anthropic Burtsara aterako da gaur eta historiako burtsaratze handiena izango da: 85.670 milioi eurotik gora
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatuko dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan