EBZk beste puntu laurden igo ditu interes tasak, %4,25eraino
Europako Banku Zentralak (EBZ) interes tasak puntu laurden igo ditu gaur. Zalantza da iralean zer gertatuko den. Joan den hilean puntu laurden igo zituen tasak, % 4ra arte (2008tik ez da maila horretara iritsi).
Europako Banku Zentraleko Gobernu Kontseilua gaur bildu da Euroguneko interes-tasei buruz erabakitzeko, inflazioak atzera egiten duen eta hazkunde ekonomikoa ahultzen ari den unean, batez ere Alemanian.
Hori dela eta, EBZko zenbait kidek, baita moneta politika murriztailearen aldekoek ere, berriki esan dute ez dela ziurra irailean diruaren prezioa berriro igoko dutenik eta erabakia datu ekonomikoen araberakoa izango dela.
Ildo horretan, Christine Lagarde EBZko presidenteak mahai gainean jarri du lehen aldiz erakundeak tasak ez igotzeko aukera hilabete horretan egingo duen bileran, baina azpimarratu du Gobernu Kontseiluak datuen arabera hartuko duela azken erabakia.
"Irailean eta ondorengo bileretan erabakiak hartzeko eskuak libre ditugu, beraz, tasek gora egin dezakete, edo eutsi geniezaioke, baina irailean erabakitzen dena ez da behin betikoa. Baliteke bilera batetik bestera aldatzea", adierazi du frantziarrak EBZko Gobernu Kontseiluaren bileraren osteko prentsaurrekoan.
Europako Banku Zentraleko presidenteak gogorarazi duenez, iraileko bileran Gobernu Kontseiluak informazio gehiago izango du diru-politikaren transmisioa nola ari den gertatzen, baita inflazioaren bilakaeraren irakurketa berriak ere. Datuetan oinarrituta, "zehaztuko du igo ala ez". "Ziur esan dezaket ez ditugula jaitsiko", esan du Lagardek txantxetan.
Euroguneko urte arteko inflazio tasa orokorra sei hamarren jaitsi zen ekainean, % 5,5era, aurreko hilaren aldean (maiatzeko % 6,1).
Azpiko inflazio tasa, energia eta elikagaiak deskontatzen dituena aldakorragoak direnez, % 5,5era igo zen ekainean, maiatzeko % 5,3tik.
Gainera, lan merkatuko tentsioak jarraitzen du, eta lan kostuak altuak dira. Horrek kezka sortzen dio EBZri, soldaten igoerak inflazio-presio berriak eragin baititzake.
Bestalde, Ameriketako Estatu Batuetako Erreserba Federalak (Fed) interes tasak puntu laurden igo zituen atzo, % 5,25etik % 5,5era bitarteko tarteraino, 2007ko maila gaindituta. Beraz, ekaineko etenaldiaren ondoren interes tasen igoerari berriro ekin zion.
Zure interesekoa izan daiteke
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrakotzat" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidosen konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.