AEBko Erreserba Federalak interes-tasak puntu laurden igo ditu
Ameriketako Estatu Batuetako Erreserba Federalak (Fed) interes-tasak puntu laurden igo ditu, % 5,25etik % 5,5era bitarteko tarteraino, 2007ko maila gaindituta.
Erreserba Federaleko kideek atzo, asteartea, hasi zuten uztaileko bi eguneko bilera. Bertan, ekaineko etenaldiaren ondoren interes-tasen igoerari berriro ekin diote.
Horrela, inflazioari aurre egiteko azken urtean aplikatutako diru-politikaren emaitza ebaluatzeko joan den hilean izandako etenaldiari amaiera eman eta igoerei ekin die berriro Erreserba Federalak.
Ekainaren 13an eta 14an egindako azken bileran, Erreserba Federalak aldaketarik gabe eutsi zion tasa ofizialari, % 5 eta % 5,25eko tartean.
Hala ere, bilera horretako aktetan, ia parte-hartzaile guztiek adierazi zuten "egokia litzatekeela 2023an zehar interes-tasa ofiziala igotzea".
Erreserba Federaleko kideek diru-politika murriztaileari eusteko beharra defendatu zuten, inflazioa (gero eta beherakada handiagoak izan dituen arren) eta lan-merkatuaren sendotasuna ikusita.
Ameriketako Estatu Batuetako inflazio-tasak puntu bat egin zuen behera ekainean, % 3ra arte, covid-19aren pandemia baino lehenagotik izan duen mailarik baxuena, baina banku zentralaren % 2ko xedetik urrun jarraitzen du.
AEBetako inflazioa 12 hilabetez jarraian jaitsi da, 2022ko ekainean azken 40 urteetako marka hautsi zuenetik, % 9,1ean kokatu baitzen.
Covid-19aren pandemiaren eta Errusiak Ukraina inbaditzearen ondorioz sortutako inflazio horren aurrean, Fed 2022ko martxoaren 17an hasi zen tasak igotzen. 0,25 puntu igo zituen, eta 0,50 gehiago maiatzean.
Ondoren, azeleragailua sakatzen hasi zen eta 0,75 puntuko lau igoera egin zituen. Abenduan puntu erdi igo zen, eta aurten erritmoa moteltzen hasi zen, 0,25 puntuko hiru igoaldirekin.
EBZren bilera
Europako Banku Zentraleko (EBZ) Gobernu Kontseilua bihar, osteguna, bilduko da diruaren prezioaren beste igoera bat erabakitzeko. Interes-tasa % 4koa da orain, eta, ziurrenik, beste 0,25 puntu igoko dute.
Joan den hilean puntu laurden igo zituen tasak, % 4ra arte (2008tik ez da maila horretara iritsi), azpiko inflazioak altu jarraitzen duela ikusita.
Zure interesekoa izan daiteke
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Bertan behera gelditu dira jada ekitaldi asko eta gora-beherak espero dira gaur kontzertu, antzerki eta kongresuetan.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.