Interes-tasen igoerak aldi baterako eten ditu AEBko Erreserba Federalak
AEBko Erreserba Federalak (Fed) interes-tasen igoeren zikloan aldi baterako etenaldia iragarri du gaur, Merkatu Irekiko Batzorde Federaleko kideen bileraren ostean, inflazioa moteldu egin baita. Hala, Erreserba Federalak etenaldi bat egitea erabaki du, eta hilabete honetan ez ditu interes-tasak igoko, baina ez du baztertu etorkizunean horiek igotzen jarraitzea, baldin eta beharrezkoa da.
Urtebetean, hamar aldiz igo dituzte interes-tasak. Igoera horiek iragarri ondoren (2022ko martxoan hasi ziren), gaur egun interes-tasa % 5 eta % 5,25 artekoa da, 2007tik izandako mailarik altuena.
Jerome Powell Erreserba Federaleko presidenteak aitortu duenez, Batzorde Arautzaileak interes-tasen igoera gehiago espero ditu aurten, eta, beraz, gaur iragarritako etenaldia aldi baterakoa baino ez da izango. "Etorkizunari begira, batzordean parte hartzen duten ia guztiek uste dute litekeena dela aurten tasen igoera batzuk egokiak izatea inflazioa % 2ra murrizteko", adierazi du prentsaurreko batean.
"Bilera honetan, kontuan hartuta zein urrun eta azkar mugitu garen, zuhurtziatzat jotzen dugu maila objektiboa egonkor mantentzea, batzordeak informazio gehigarria eta horrek moneta-politikan dituen inplikazioak ebalua ditzan", azaldu du Powellek.
Azken hilabeteotako joera etetea ahalbidetu duen mugarri bat jakin da aste honetan; izan ere, inflazioaren urte arteko tasa nabarmen jaitsi zen maiatzean, bederatzi hamarren, % 4an kokatzeraino (2021eko martxotik izan duen mailarik baxuena).
Azken igoera, maiatzaren 3an iragarri zuten. Bileraren aktak argitaratu ondoren jakin zenez, neurriak gehiago zorroztearen egokitasunari buruzko ziurgabetasuna adierazi zuten aditu gehienek.
Banku zentralaren proiekzioak egiten dituen talde teknikoaren arabera, AEBko ekonomia moteldu egingo da datozen bi hiruhilekoetan, eta urte amaieran atzeraldi txiki batean sar daiteke, ekonomia berrezarri eta suspertzen hasi aurretik.
Zure interesekoa izan daiteke
La Guairako portua gorputegi inprobisatu bihurtu da hildako pertsonak identifikatzeko
Erreskate-lanek aurrera jarraitzen dute Venezuelan, baina bizirik topatzen dituzten pertsonak gero eta gutxiago dira. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.
Hilik topatu dute Jon Sustacha, Venezuelan bilatzen ari ziren ingeniari bilbotarra
Bilaketa-lanetan ari zirela aurkitu dute haren gorpua, igande arratsaldean, La Guaira estatuan kolapsatutako eraikin bateko hondakinen artean. Bere familiak herritarren laguntza eskatu du zenbait egunez, hura aurkitzen saiatzeko.
11 pertsona hil dira Frantziako ekialdean izan den hegazkin istripu batean
Hamaika pertsona hil dira gaur Tomblainen, Frantziako ipar-ekialdean dagoen Nancy hiriaren inguruan, hegazkin batek istripua izanda. Meurthe eta Mosela departamenduko prefeturak zabaldu duenez, hegazkinak paraxutistak zeramatzan, eta bertan zihoazen guztiak hil dira. Pilotua, bost instruktore eta tandemean paraxutean jauzi egiteko asmoa zuten bost pertsona dira hildakoak.
Europar Batasunak 5 milioi euro bidali ditu Venezuelara
Hainbat estatu kidek erreskate taldeak, suhiltzaileak eta medikuak bidali dituzte, eta Copernicus satelite sistema larrialdietako taldeei laguntzeko eskaini dute.
Itxaropena Venezuelan: haurtxo bat erreskatatu dute hondakinen artetik
Erreskate taldeek haurtxo bat eta horren ama bizirik atera dituzte Venezuelan lurrikarek utzitako hondakinen artetik. Azken datuen arabera, 1.000 hildako baino gehiago zenbatu dituzte dagoeneko. NBEren esanetan, 50.000 pertsona daude desagertuta, eta bi euskal herritar daude horien artean.