% 2,9 turista gehiago izan ziren EAEko hoteletan, uztailean
2023ko uztailean, Euskal Autonomia Erkidegoko (EAE) hotel-establezimenduetako sarrerak % 2,9 igo dira, eta ostatu-gauak % 4,9, urtetik urterako ehunekoetan, Eustatek landutako datuen arabera. Erregistratutako 394.297 sarrerek 803.887 ostatu-gau ekarri dituzte.
Sarreren % 53,4 eta ostatu-gauen % 53,9 atzerritar jatorrikoak izan dira; hala bada, sarrerak % 10,7 igo dira, eta ostatu-gauak % 12,3.
Lurraldez lurralde, Araban, 58.425 sarrera eta 108.703 ostatu-gau erregistratu dira, iazko uztailean baino % 13,3 eta % 18,3 gehiago. Bizkaian, aldiz, sarrerak % 2,3 gehitu dira, eta ostatu-gauak % 3,4. Guztira 178.324 sarrera eta 348.400 ostatu-gau izan dira. Gipuzkoan, 157.548 sarrera erregistratu dira 2023ko uztailean, 2022ko uztailean baino % 0,1 gehiago, eta 346.784 ostatu-gau, iazko hil berean baino % 2,9 gehiago.
Hiriburuz hiriburu, sarrera kopurua % 18,7 igo da Gasteizen, % 4,7 Donostian eta % 1,4 Bilbon. Era berean, iazko uztailarekin alderatuta, ostatu-gauak % 24,0 gehitu dira Gasteizen, % 4,3 Donostian eta % 3,3 Bilbon.
EAEko hotel-establezimenduetako batez besteko egonaldia 2,04 egunekoa izan da 2023ko uztailean, iazko hil berean baino gehixeago, orduan 2,00 egunekoa izan baitzen. Batez besteko egonaldiak adierazten du zenbat egun ematen dituzten bidaiariek batez beste gaua igarotzen duten establezimendu bakoitzean, eta ez Euskal AEn guztira zenbat egun ematen dituzten.
Betetze-maila % 72,8 izan da uztailean, plazaka neurtuta, eta % 82,0, gelaka neurtuta. 2022ko uztailarekin alderatuta, igoerak ehuneko 0,8 eta 1,3 puntukoak izan dira, hurrenez hurren.
Eguneko batez besteko tarifa edo ADRa 128,43 euro izan da ("logela bakarrik" erregimenean gela bikoitz bainugeladunari aplikatua). Horrek esan nahi du % 8,6ko igoera izan dela iazko uztailaren aldean. ADRa 165,37 euro izan da Gipuzkoan, 105,33 euro Bizkaian eta 88,53 euro Araban. Hiriburuz hiriburu, aldeak handiagoak izan dira: ADRa 208,64 euro izan da Donostian, 116,12 euro Bilbon eta 76,14 euro Gasteizen.
Hotel-establezimenduetan, RevPar edo gela eskuragarri bakoitzeko batez besteko diru-sarrerak 105,36 eurokoak izan dira 2023ko uztailean, iazko hil berean baino % 10,3 gehiago.
Ekitaldi asko egin dira EAEn 2023ko uztailean, eta eragin positiboa izan dute hotel-establezimenduen betetze-mailan. Hilaren lehen asteburuan Frantziako tourraren Grand Départ egin zen, eta, ostiraleko (ekainak 30), larunbateko eta igandeko (uztailak 1 eta 2) gauetan, atzerritar jatorriko ostatu-gauak 42.444 izan ziren. Hau da, hiru egun horietan erregistratutako ostatu-gauen % 61,3, edo, bestela esanda, hil osoan baino 7,4 puntu gehiago ehunekotan. Bizkaian, 30.064 ostatu-gauetatik % 65,4 atzerritar jatorrikoak izan ziren; Gipuzkoan, berriz, 18.307 ostatu-gau izan ziren, hau da, % 62,5. Araban, aldiz, gehiago izan ziren jatorri nazionaleko ostatu-gauak, 9.880 ostatu-gau guztien % 54,8. Gelen betetze-maila % 83,3 izan zen Euskal AEn, % 80,8 Bizkaian (% 83,9 Bilbon), % 84,2 Gipuzkoan (% 87,9 Donostian) eta % 88,9 Araban (% 91,7 Gasteizen).
Uztailaren 7an, 8an eta 9an, Bilbao BBK Live jaialdian, gelen betetze-maila % 83,0 izan zen Bilbon, hil osoan erregistratutakoa baino puntu erdi gehiago ehunekotan.
Gasteizen, hotel-establezimenduetako gelen betetze-maila % 89,1era iritsi zen uztailaren 15eko eta 16ko gauetan, Ironman Vitoria-Gasteiz egin zen asteburuan hain zuzen, hil osoan baino ia 5 puntu gehiago ehunekotan.
Bestalde, Donostiako Jazzaldia egin zen bost egunetan (uztailaren 21etik 25era), gelen betetze-maila % 90,8 izan zen, hil osoan bezalaxe. Hil horretan ia 220.000 ostatu-gau izan ziren hiriko hotel-establezimenduetan.
Zure interesekoa izan daiteke
Babestutako alokairuko etxebizitza eskuratzeko gehienezko diru-sarrera 46.463 euroraino igoko da
Eusko Jaurlaritzak etxebizitzaren arloko "ezkutu soziala" onartuko du bihar, Premiazko Neurriei buruzko Dekretuarekin. Besteak beste, jabeek jasoko duten kanona 700 eurokoa izango da, eta handiagoa gune tentsionatuetan.
LABek neurriak eskatuko ditu etxebizitza, zerbitzu publiko, pentsio eta soldata arloetan "bizimodu duina" bermatzeko
26 manifestazio deitu ditu Maiatzaren Lehenerako, eta Pradales "Urkulluren kopia antisozialagoa eta autoritarioagoa" bihurtu dela salatu du.
Talgok 756 milioi euroko kontratua sinatu du, Suedian tren flota bat ekoizteko
Kontratu honekin, Talgoren eskaera zorroak 6.500 milioi eurora iritsi da, inoizko gehien.
Gaurdanik, Donostiako Ospitaleko eta Txagorritxuko medikuek ez dute aparteko ordurik egingo arratsaldeko txandan
Bestalde, Zumarragako Ospitaleak apirilaren 27tik aurrera egingo du bat protestarekin; eta Bizkaiko ospitaleek, maiatzetik hasita. Indarrean duten grebak "furiturik eman ez duela" ikusita erabaki dute neurri hori hartzea.
Petrolioa % 5 baino gehiago igo da, 95 dolarreraino, eta Europako burtsetan beherakada izatea aurreikusi da
Estatu Batuen eta Iranen arteko gatazka gaiztotu egin da berriro astelehen honetako lehen orduetan eta eragina izan du horrek petrolioaren prezioan. Ormuzko itsasartean tentsioa areagotu da, AEBk Omango golkoan tona askoko Irango zamaontzi bat jo baitu. Washingtonek Irango portuen gainean ezarritako blokeoa gainditu nahian zihoan ontzia.
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.