Pandemia osteko hazkundea iragarritakoa baino handiagoa izan zen: % 6,4koa 2021ean, eta % 5,8koa, 2022an
2020ko pandemiak ekonomian eragindako zartakoaren osteko hazkundea aurrez iragarritakoa baino handiagoa izan zen, INE Espainiako Estatistika Institutuak gaur jakitera eman dituen datuen arabera. Hartara, Barne Produktu Gordina (BPG) % 6,4 hazi zen 2021ean (aurrez esandakoa baino 0,9 puntu gehiago), eta % 5,8, 2022an (0,3 puntu gehiago). Kalkulu berri horien arabera, Espainiak 2022an berreskuratu zuen pandemian galdutako aberastasuna.
2020ko BPGaren datua ere berrikusi du INEk, eta aurrez jakinarazitako datua baino 0,1 puntu gutxiagokoa izan zela zehaztu. Horrenbestez, jaitsiera % 11,2koa izan zen, Espainiako ekonomiak historia modernoan izandako atzeraldi handiena, hain zuzen.
Gai Ekonomikoetarako eta Eraldaketa Digitalerako Ministerioak ohar bidez nabarmendu duenez, "kontsumo pribatuak, atzerriko sektorearen bilakaera onak eta industriaren eta jardun profesional eta zientifikoaren portaera hobeak bultzatu dute azken bi urteotako hazkundea".
2022ko datu berrien arabera, etxeko kontsumoa handiagoa izan zen (% 3,4koa, hasieran aipatutako % 3ren ordez) eta inbertsioaren hazkundea txikiagoa (% 1,4, % 3,5ren ordez). Era berean, esportazioak hazi egin ziren (% 15,2, %14,4ren ordez).
2021ri dagokionez, etxeko kontsumoak % 7,1 egin zuen gora (% 6koa izan zela jakinarazi zuten), eta inbertsioak, % 9,4 (lehen estimazioaren arabera, % 5,9).
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.