Eusko Jaurlaritzak % 1,7ra igo du Euskadiren aurtengo hazkundea, eta % 2,1era eutsi dio 2024an
Eusko Jaurlaritzaren aurreikuspenen arabera, Euskadiko ekonomia % 1,7 haziko da aurten, eta % 2,1 datorren urtean. Gainera, bi ekitaldietan 13.000 enplegu sortzea espero da, eta langabezia-tasa % 7,7ra jaitsiko da 2023an eta % 7,0ra 2024an.
Pedro Azpiazu Ekonomia eta Ogasun sailburuak gaur jakitera eman duenez, EAEko ekonomiaren hazkundeak gora egin du 2023an, zehazki, % 1,7ra, eta ekainean, berriz, % 1,6koa zen. Izan ere, bigarren hiruhilekoa aurreikusitakoa baino dinamikoagoa izan da. Gainera, 2024rako aurreikusitako hazkundeari (% 2,1) eusten dio.
Eusko Jaurlaritzak adierazi duenez, enplegua izango da biurteko honetako hazkundearen zutabeetako bat. Horrela, 2023an, 13.000 lanpostu inguru sortuko dira, eta beste 16.000 datorren urtean. Horri esker, 2023an aurreikusitako langabezia-tasa % 7,7koa izango da, eta datorren urtean % 7,0koa.
Azpiazuk inflazioaren moteltzea aurreratu du bi urte hauetan, bereziki 2024an, orduan % 2,0ko inflazio-tasara itzul baitaiteke. Termino arruntetan, BPG nominala % 5,4 haziko da aurten eta % 5,0 datorren urtean.
Azpiazuren arabera, "euskal ekonomiaren egoera sendoa da, baina egia da Europako ekonomiek bizi duten desazelerazio-prozesutik kanpo ez dagoela". Izan ere, Eustatek argitaratutako datuen arabera, 2023ko bigarren hiruhilekoan Euskadik bere hazkunde-erritmoa % 1,5era moteldu zuen, aurreko datua baino zortzi hamarren gutxiago eta 2022ko hiruhileko berean baino bost puntu gutxiago", adierazi du.
Halaber, sailburuak azaldu duenez, "Eustatek duela gutxi 2022ko kontu ekonomikoak eguneratu izanak adierazten du dezelerazio hori hasieran aurreikusi genuena baino nabarmenagoa dela. Egin daitekeen irakurketa positiboa da EAEko ekonomiak pandemia hasi aurreko BPGren maila berreskuratu zuela iazko bigarren hiruhilekoan, eta orain bi puntu gorago dagoela".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.