KPIa % 3,5eraino jaitsi da urrian EAEn, eta % 3,2raino Nafarroan
Urrian, inflazioak apur bat behera egin du eta urte arteko tasa % 3,5ean gelditu da Euskal Autonomia Erkidegoan (EAE) eta % 3,2an Nafarroan, erregaien eta elikagaien prezioen beherakadak bultzatuta, batez ere.
Espainiako Estatistika Institutuak gaur zabaldutako behin betiko datuen arabera, urte arteko tasak hamarren bat eta bi hamarren egin du behera EAEn eta Nafarroan, % 3,6tik % 3,5era eta % 3,4tik %3,2ra, hurrenez hurren.
Irailetik urrira, Kontsumorako Prezioen Indizea (KPI) bi hamarren igo da EAEn eta hiru hamarren, Nafarroan.
Urtea hasi zenetik, prezioak % 3,6 garestitu dira EAEn, eta % 3,3 Nafarroan.
Gipuzkoak izan du urte arteko inflaziorik handiena urrian (% 3,9), Bizkaiaren (% 3,5) eta Arabaren (% 2,8) aurretik. Irailetik urrira, prezioak % 0,4 garestitu dira Gipuzkoan, % 0,1 Araban, eta bere horretan mantendu dira Bizkaian.
Elikagaiak eta edariak % 9 garestitu dira batez beste iazko urritik aurtengo urrira EAEn, eta, % 9,6 Nafarroan. Hala ere, urte arteko tasak apur bat behera egin du, % 9,6koa baitzen EAEn eta % 9,8koa Nafarroan, irailean. Irailetik urrira, prezioak % 1,3 igo dira EAEn, eta % 1,7 Nafarroan. Halaber, Espainiako Estatuan elikagaiak eta edariak % 9,5 garestitu dira urtebetean.
Espainiako Estatuari dagokionez, urte arteko inflazioa 3,5ean mantendu da urrian.
Bestalde, azpiko inflazioa (energia eta elikagai freskoak kontuan hartzen ez dituena) sei hamarren jaitsi da urrian, % 5,2raino. Hortaz, KPI orokorra baino 1,7 puntu handiagoa da.
Zure interesekoa izan daiteke
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.