Oposizioak Azpiazu kritikatu du aurrekontuen negoziazioari ateak ixteagatik
Eusko Legebiltzarreko oposizioko indar politikoek kritikatu dutenez, Eusko Jaurlaritzak ez du agertu "borondaterik" 2024rako aurrekontuak negoziatzeko eta presa du "tramitea gainditzeko" eta proiektua bakarrik onartzeko, gehiengo absolutuaz baliatuta.
Pedro Azpiazu Ekonomia eta Ogasun sailburuak amaitutzat eman zituen elkarrizketak asteazkenean, oposizioan "adosteko benetako prestasunik" ez duela ikusten argudiatuta. Besteak beste, alderdien proposamenak "ekonomikoki neurrigabeak" direla, "hauteskundekeria" dariela eta aurrekontuen esparrutik kanpoko "gai garrantzitsuak" jasotzen dituztela azpimarratu zuen sailburuak.
Oposizioko taldeek gaur salatu dutenez, "Jaurlaritza da akordiorako borondaterik agertu ez duena", haien ustez 15.025,4 milioiko aurrekontu batetik Azpiazu soilik 25 milioi aldatzeko prest egoteak erakusten duen bezala.
Eusko Jaurlaritzak "ez du negoziatu nahi izan" eta "tramitea gainditzearekin konformatzen da", nahiz eta EH Bilduren proposamenak "zentzuzkoak eta egingarriak" izan, Nerea Kortajarena koalizioaren Legebiltzarreko bozeramaileak ziurtatu duenez. Haren hitzetan, EH Bilduk "ziurrenik" osoko zuzenketa aurkeztuko du, baina ez du aurrera egingo Jaurlaritzaren gehiengo absolutuaren aurrean, eta, beraz, zuzenketa partzialak ere erregistratuko ditu "seriotasun eta erantzukizun" ariketa batean.
Bestalde, EAJk eta PSE-EEk "arrabola aplikatzea" deitoratu du Elkarrekin Podemos-IUk, eta haiekin negoziatzen ez jarraitzeko Jaurlaritzari eskumen "aitzakiak bilatzea" leporatu dio.
Luis Gordillo PPko legebiltzarkideak espero du Azpiazuk ostegun honetan bertan eman dion agiria aztertzea eta ondoren erantzuna ematea. Azkenik, Jose Manuel Gil Ciudadanoseko legebiltzarkideak zuzenketa partzialak iragarri ditu, "batzuk onartuko" direlakoan.
Zure interesekoa izan daiteke
Brent upelaren prezioa apaldu egin da 108 dolarreraino
Hala ere, merkatuak beldur dira petrolioaren prezioak gora egiten jarraituko duela Ekialde Hurbileko tentsioen eta Yanbuko oliobidearen itxieraren ondorioz.
Testa funtsak 500 familia kalean utzi nahi dituela salatzeko manifestazioa deitu dute Iruñean
Etxebizitza horiek parke publikoaren parte izatera pasatzeko eskatzen dute bizilagunek. Manifestazioa urriaren 17an izango da, 17:30ean, Baluartetik abiatuta.
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.