Gipuzkoako garbiketa eta zabor bilketako langileek greba mugagabea iragarri dute
Gipuzkoako kale garbiketako eta zabor bilketako langileek abenduaren 20tik aurrera greba mugagabea hasiko dutela iragarri dute, "patronalak hitzarmenaren negoziazioan blokeatuta daudelako".
Guztira, 1.500 langile inguruk lan egiten dute sektore honetan eta hondartzak garbitzen, hondakinak gaika biltzen edo zabortegietan, erraustegian zein antzeko instalazioetan lan egiten duten langileak ere deituta daude.
Langileen ordezkaritzaren % 60,78 duen ELA sindikatuak ohar batean salatu duenez, Aselip eta Serbitzu patronalek "negoziazioak blokeatuta" dituzte, "hamaika hilabetetan hamahiru bilera" egin ondoren.
"Errespetua eta baldintza duinak" eskatu ditu sindikatuak "lan eskergaitzenetako bat egiten duen sektore batentzat. "Egungo lan-baldintzak duintzeko eskatzen dugu, errelebo-kontratuaren aplikazioa hobetzea, erosteko ahalmena bermatzea (gutxienez KPIaren igoera) eta lanbide-kategoriak egokitzea", besteak beste.
Testuinguru honetan, langileen aldarrikapenei jaramonik egiten ez bazaie, abenduaren 20an, 22:00etatik aurrera, greba mugagabea hasiko dela Gipuzkoa osoan iragarri du ELAk.
Era berean, "egoeraren larritasuna ikusita", udalen eta mankomunitateen inplikazioa eskatu du, "patronalaren jarrera aldatzeko eragile aktiboak izan daitezen".
Grebara deitutako langileek manifestazioa egin dute larunbat honetan Donostian, ELA, LAB, CCOO eta UGT sindikatuek deituta, hitzarmenaren negoziazioen aurka protesta egiteko.
Zure interesekoa izan daiteke
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
EAEko medikuek beren aldarrikapenei "egitateekin" erantzuteko eskatu dute
Medikuntzako ehunka profesionalek euren aldarrikapenei "egitateekin" erantzuteko eskatu dute astelehen honetan, Euskal Autonomia Erkidegoko hiru hiriburuetan egindako manifestazioetan, eta "kosta ahala kosta" helburuak lortuko dituztela ziur agertu dira.
Tubos Reunidosek lan-erregulazioko espedientean aurreikusitako 301 borondatezko kaleratzeak lortu ditu
Enpresak gaur, astelehena, 15:00ak arteko epea eman zuen beharginek borondatez lana uzteko. Azpimarratu du helburu hori beharrezko urratsa zela bideragarritasun-plana lortzeko.
Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea egin du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Astearteko greba orokorrerako ezarritako gutxieneko zerbitzuak Hego Euskal Herrian
Eusko Jaurlaritzak eta Nafarroako Gobernuak funtsezko eremuetan, hala nola, osasunean, hezkuntza edo larrialdietan, bete beharreko gutxieneko zerbitzuak finkatu dituzte. Honako hauek dira bermatuko direnak.
Energia sektorerako eta mozkin handiko enpresentzako zergak proposatu ditu EH Bilduk
Nerea Kortajarena EH Bilduren Programa zuzendariak azaldu duenez, aberastasuna "banatzeko" neurri-sorta proposatu dio koalizioak Espainiako Gobernuari, "gerraren ondorioak familiek ordain ez ditzaten".
Errenta kanpaina apirilaren 15ean hasiko da Bizkaian
Bizkaiko zergadunek ekainaren 30era arteko epea izango dute errenta aitorpena egiteko, eta hiru bide izango dituzte horretarako: aurrez aurre, telefonoz eta online. Gainera, aurten, 20.000 eurora igo da errenta aitorpena derrigor aurkezteko errenta-zenbatekoa.
Arabako errenta-kanpaina apirilaren 7tik ekainaren 25era izango da
Zergadunek "Rentafacil" modalitatean egindako proposamena onartu ahal izango dute egoitza elektronikoan, apirilaren 7tik ekainaren 17ra bitartean. Halaber, "Rentared" Arabako Ogasunaren Laguntza Programaren bidez egindako aitorpenak ere apirilaren 7tik aurrera aurkeztu ahal izango dira.
Gizartea greba orokorraren aldarriarekin "bat" datorrela eta langileen babesa duela adierazi du Mitxel Lakuntzak
Mitxel Lakuntza ELAren idazkari nagusiak Euskadi Irratian egin dioten elkarrizketan azaldu duenez, sindikatuek grebara jotzeko premia izan dute Eusko Legebiltzarrak legegintzarako herri-ekimena geldiarazi duelako eta Confebask patronalak negoziaziori uko egin diolako. Halaber, Nafarroan gutxieneko soldata propioa negoziatzeko aukera egon daitekeela uste du Lakuntzak.
Brent upelaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zuen. Gainera, gas naturalaren prezioa % 2 baino gehiago igo da, eta megawatt orduko 52 eurotik gorakoa da jada. Aliatuek Ormuzko itsasartea berriz irekitzen laguntzen ez badute, NATOk "etorkizun makurra" izango duela ohartarazi du AEBko presidenteak.