KPIa % hiru hamarren jaitsi da azaroan, % 3,2raino
Kontsumoko Prezioen Indizearen urte arteko tasa % 3,2raino jaitsi da azaroan, iazko hilabete bereko datuekin alderatuta, Espainiako Estatistika Institutuak gaur aurreratutako datuen arabera. Urrian, urte arteko tasa % 3,5ekoa izan zen, hiru hamarren handiagoa.
Hiru hilabetez jarraian (uztaila, abuztua eta iraila) urte arteko tasa igo ondoren, KPIaren hazkundea eten egin zen urrian, mantendu egin baitzen.
Urte arteko inflazioak behera egin du azaroan, batez ere, erregaien prezioak eta pakete turistikoak iaz baino gehiago jaitsi direlako eta elikagaien eta edari ez alkoholdunen prezioak iaz baino gutxiago igo direlako. Aitzitik, argindarraren prezioak behera egin du, baina iazko azaroan baino gutxiago.
Azken hilabeteko bilakaera kontuan hartuta, berriz, prezioak lau hamarren merkatu dira urritik azarora.
Bestalde, azpiko inflazioa, energia eta elikagai freskoak kontuan hartzen ez dituena, zazpi hamarren jaitsi da azaroan, % 4,5eraino. Gauzak horrela, lau hilabetez jarraian behera egin du eta 2022ko apiriletik izandako txikiena da.
Azaroko datu aurreratua abenduaren 14an baieztatuko du Espainiako Estatistika Institutuak.
Kotizaziopeko pentsioak % 3,76 igoko dira 2024an
Kotizaziopeko pentsioak edo pentsio kontributiboak % 3,76 haziko dira 2024an Espainiako Estatuan, iazko abendutik aurtengo azarora arteko batez besteko KPIaren arabera eguneratuko baitira.
Azaroko KPI aurreratua ezagutu ondotik dagoeneko kalkulatu daiteke 12 hilabeteko batez bestekoa eta emaitza % 3,76 da.
Bestalde, gutxieneko pentsioak eta kotizazio gabeko pentsioak are gehiago igoko dira (% 6tik gorako hazkundea aipatu da), baina Espainiako Gizarte Segurantzako Ministerioak ez du portzentaje zehatza jakinarazi.
Edozein kasutan, azaroko behin betiko KPI ezagutu arte itxaron beharko da pentsioak zehazki zenbat igoko diren jakiteko.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".