Gizarte ekimeneko ikastetxeetan datorren asterako deituta dagoen greban parte hartzeko deia egin dute
ELA, Steilas, CCOO, LAB eta UGT sindikatuek EAEko gizarte ekimeneko ikastetxeetan (itunpeko sarea) datorren asterako deituta dauden bost greba egunetan parte hartzeko deia egin diete langileei, lan hitzarmen berriaren alde.
Kristau Eskola eta AICE-IZEA patronalekin negoziazioa ez atzera ez aurrera dagoela, Hezkuntza Saileko arduradunekin bildu ziren atzo sindikatuak, baina ez zuten aurrerapenik lortu.
Hori horrela, datorren asteko greba berretsi eta antolatuta dauden mobilizazioen berri eman dute gaur sindikatuek, ohar bidez. Bost egunetatik hirutan manifestazioak daude deituta EAEko hiru hiriburuetan, eta abenduaren 13an eta 15ean Bilbon egingo dute protesta, Eusko Jaurlaritzak Kale Nagusian duen egoitzaren parean.
Lehen egunean, abenduaren 11n, 11:30ean abiatuko dira martxak Bilboko Eskolapios ikastetxetik, Donostiako Aldapeta Maria eskolatik eta Gasteizko Andre Maria Zuriaren plazatik. Aurrez, piketeak eta mobilizazioak daude antolatuta hiru lurraldeetan, ELAk ohar batean zehaztu duenez.
Esan bezala, Jokin Bildarratz buru duen Saileko arduradunekin bildu ziren atzo sindikatuak. Sailari gatazkan esku hartzeko eskatu zioten batzarrean: "Hezkuntza Sailak badu erantzukizuna itunpeko ikastetxeetan dagoen finantzazio iturrien gardentasuna kontrolatzeko orduan, baita langileen lan baldintzak bermatzeko ere". Hezkuntza Sailak, bere aldetik, hitzarmen berria negoziatzea sindikatuei eta patronalei dagokiela nabarmendu du.
Beharginen ordezkariek gogorarazi dutenez, irakasleek hiru greba egun egin zituzten urrian, eta berretsi dute ez dutela nahi gatazka gehiago sakontzea (aurreko hitzarmena sinatu aurretik 29 lanuzte egin zituzten beharginek).
Zure interesekoa izan daiteke
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an aurrez aurrekoa, ekainaren 25era arte. Esperientzia pilotu gisa, aurten errenta bulego mugikor bat egongo da hiru puntutan (Zangoza, San Adrian eta Altsasu), Ogasunaren bulegorik ez duten eremuetako bizilagunei tramitea egiten laguntzeko.