Euskadik Estatuko pentsiorik altuenak ordaintzen ditu, eta Nafarroa laugarrena da rankinean
Autonomia-erkidegoetan ordaintzen diren batez besteko pentsioak kalkulatzeko, kontuan hartu behar diren pentsio motak hauek dira: erretiroa, alargun-zurztasuna eta lanerako ezintasuna.
Pentsio mota horiekin guztiekin batez besteko bat egiten badugu, Euskadi Estatuko rankingaren buruan dago, 1.485 euroko batez bestekoarekin (Estatuko batez bestekoa baino % 24 altuagoa). Nafarroa laugarren Autonomia Erkidegoa da sailkapen horretan, 1.376 euroko batez besteko pentsioarekin (Estatukoa baino % 15 gehiago).
2013 eta 2023 urteen artean, batez besteko pentsioa 421 euro igo da Euskadin, eta 395 euro Nafarroan.
Erretiro-pentsioei bakarrik erreparatzen badiegu, Euskadin ordaintzen direnak ere Estatuko altuenak dira: 1.700 euro inguru ordaintzen dira, Estatuko batez bestekoa baino 310 gehiago.
Estatuan, batez besteko pentsioa 1.100 eurotik beherakoa duten bost erkidego daude: Kanariak, Andaluzia, Murtzia, Galizia eta Extremadura.
Tarteei begiratuz gero, EAEk bikoiztu egiten du Estatuko batez bestekoa goiko tartean dauden pentsiodunei dagokienez (3.058tik gora euro kobratzen dutenek). Euskadin, 100etik 10ek jasotzen dute tarte horretako diru-kopurua. Estatuan, aldiz, ehuneko 5ek baino ez.
Euskadik eta Nafarroak, gainera, erdiko tartean dauden pentsiodun kopururik handiena dute ere. Pertsona hauek 1080 eta 3.057 euro arteko pentsioa kobartzen du. Azkenik, beheko tartean (1.080 euro baino gutxiago) dauden pentsiodunen ehuneko txikiena du Euskadik.
Azken urteetan, Euskadik ordaintzen duen batez besteko pentsioa gehiago hazi da ( % 39) batez besteko soldata baino ( % 27).
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.