Bigarren eskuko etxebizitzen prezioa % 4,35 igo da Euskadin 2023an
Euskal Autonomia Erkidegoko (EAE) bigarren eskuko etxebizitzak 3.089 euroko batez besteko prezioa izan zuen 2023ko abenduan metro koadroko. Kopuru horrek % 0,67ko igoera ekarri zuen 2023ko azaroaren aldean, eta % 4,35eko urte arteko igoera, pisos.com-en salmenta-prezioen urteko txostenaren arabera.
EAE Estatuko hirugarren erkidego garestiena izan zen, Balear Uharteen (4.141 euro/m2) eta Madrilen (3.771 euro/m2) atzetik.
EAEko lurralde guztietan izan dira hileko igoerak; Bizkaikoa izan da hazkunderik "deigarriena" (% 1,03). Gipuzkoa (% 7,42), aldiz, Bizkaia (% 3,47) baino gehiago hazi da urtetik urtera, eta Arabak (% 1,36), berriz, Estatuko hirugarren hazkunderik handiena izan du.
Prezioei dagokienez, Gipuzkoa (3.570 euro/m2), Bizkaia (2.969 euro/m2) eta Araba (2.432 euro/m2) izan ziren hirugarren, bosgarren eta zazpigarren postuak Espainiako probintzia garestienen sailkapenean 2023ko abenduan.
EAEko hiriburuei dagokienez, guztiak hazi ziren azken hilabetean, Bilbok (% 2,63) izan baitzuen Estatuko laugarren gorakadarik handiena. 2022ko abenduaren aldean, euskal hiriburu guztiak hazi ziren. Donostiak (% 11,89) Estatuko hamaikagarren igoerarik nabarmenena izan zuen.
2023ko abenduan metro koadroko 6.354 eurorekin, Donostia Espainiako probintzia-hiriburu garestiena izan zen. Bilbok (3.762 euro/m2) bosgarren postua lortu zuen eta Gasteizek (2.716 euro/m2) bederatzigarrena.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.