Borondatezko aurreikuspen planen pentsio osagarria hilero kobratzea lehenesten du dekretu berriak
Borondatezko aurreikuspen planen pentsio osagarria hilero kobratzea lehenesten du Borondatezko Gizarte Aurreikuspeneko Erakundeen (BGAE) jarduera arautuko duen dekretu berriak, eta apirilaren 2an sartuko da indarrean. Gizarte Aurreikuspenaren Euskal Kontseiluak gaur berretsi du dekretua, Pedro Azpiazu Eusko Jaurlaritzako Ekonomia eta Ogasuneko sailburua buru dela, Gasteizen egin duten batzarrean.
Lagun Aro, Elkarkidetza eta Geroa dira BGAE nagusiak, eta pentsio sistema publikoak osatzeko helburua duten erakundeak dira. Hemendik aurrera, testu berria aintzat hartuta, lehentasuna emango diote ohiko pentsioaren osagarria den dirua hilero kobratzeari, eta ez dena batera. Hala, ordainketa errenta moduan zehazteko, 65 urtetik aurrerako pentsio publikoa jasotzeko ezarrita dauden baremoak hartuko dira kontuan.
Zehazki, prestazio osagarriak jasotzeko formula mistoa ezartzen du araudi berriak, errenta moduan eta kapital moduan. Dirua dena batera kobratzeko muga bat ezarri da, 36.166 euro, eta hortik gora dutenek zati handi bat hilero kobratu beharko dute. Hileko pentsioak 200 eurokoak izango lirateke 15 urtean (12 ordainsaritan) eta 150 eurokoak 20 urtean (12 ordainsaritan).
Dekretu berria begi onez ikusten du Euskadiko BGAEn Federazioko presidente den Ignacio Etxebarriak. Halere, uste du pentsio osagarriak errentan jasotzeak hobari fiskalak izan behar dituela. Gaur gaurkoz, kapital modura jasotzeak hobariak ditu, baina errenta modura kobratzeak ez.
Zure interesekoa izan daiteke
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.