Kontsumobidek 'autoen kartelaren' kaltetuei elkarteen edo abokatuen bidez erreklamatzea aholkatu die
Kontsumobide-Kontsumoko Euskal Agentziak "autoen karteleko" kaltetuei gomendatu die praktika horrengatik eragindako Kaltetutakoen Elkartera, kontsumitzaileen elkarteetara edo abokatuen bulegoetara jotzea, ordaindu zuten soberakina erreklamatzeko. Horretarako, 2026ra arteko epea izango dute.
2015ean, Merkatuen eta Lehiaren Batzorde Nazionalak 171 milioi euroko isuna jarri zien 21 enpresari. Enpresa horiek Espainiako automobil-banaketaren ia % 91 osatzen zuten, eta ia marka generalista guztiak eta gama altuko beste batzuk hartzen zituzten barnean, salmenta-prezioak manipulatzeagatik.
Auzitegi Gorenak, 2021ean, 118 milioiko isunak berretsi zizkien autoak banatu, saldu eta saldu osteko enpresa gehienei, baina bidegabe kobratutako kopuruak ez dira ofizioz itzultzen ari.
Egoera horren aurrean, Kontsumobidek kontsumitzaileei gomendatu die, kontzesionarioarekin edo autoaren markarekin akordiorik lortzen ez badute eta auzibidera jo behar badute, dauden kontsumitzaileen elkarteren batera, Autoen Kartelak Eragindako Elkartera edo abokatuen bulego batera jotzeko.
Erreklamazioaren zenbatekoa markaren, modeloaren eta beste faktore batzuen araberakoa izango da. Gama ertaineko ibilgailu baten kasuan, zenbatekoa 1.500 eta 2.000 euro artekoa izan daiteke, eta gama altuko ibilgailuetan, berriz, 9.000 eurokoa.
Erreklamatzeko eskubidea zenbat den zehaztuko duen peritu-txostena eskatzea da jarduteko modu zuzena. Erreklamatzeko epea 2026an amaitzen da, bost urtez luzatu baitzen.
Hala ere, data ez da berdina izango marka guztientzat, horietako bakoitza noiz zigortu zen araberakoa baita. Nolanahi ere, erreklamazio-epea lehenago amaitzen zaien markek 2026ko apirilaren 20ra arteko epea izango dute.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.