EAEk eta Nafarroak dituzte gizarte bazterketa arriskuan Estatuko tasarik baxuenak
Euskal Autonomia Erkidegoan (EAE) herritarren % 15,5 zeuden iaz gizarte bazterketa arriskuan, aurreko urteko datuak apur bat hobetuta ( % 15,7koa zen). Nafarroari dagokionez, apur bat gorago zegoen tasa hori (gazteleraz AROPE deitutakoa), % 17,2koa. Kasu honetan, ordea, bilakaera ezkorra izan du portzentajeak, hiru puntu igo baita (% 14,5 zegoen 2022an).
Espainiako Estatistika Institutuak (INE) gaur kaleratu ditu Bizi Baldintzen Inkestaren 2023ko datuak. Horien arabera, Hego Euskal Herrian daude gizarte bazterketa arriskuaren tasarik baxuenak, Espainiako Estatuko batez bestekotik nahiko urrun ( % 26,5 da han).
Pobrezia arriskuari dagokionez, EAEko biztanleriaren % 10,2 dago egoera horretan; Nafarroan % 13,8ri eragiten dio. Kasu honetan ere, datuak hobetu ditu EAEk (2022an % 12,2koa zen tasa). Nafarroan, aldiz, okerrera egin dute, hiru puntu igo baita egoera horretan daudenen kopurua (% 10,9koa zen 2022an). EAE da, beste behin, Estatuko tasa baxuena duena; Foru Erkidegoa hirugarren da, Madrilen ostetik. Espainiako Estatuan bost herritarretik bat dago pobrezian erortzeko arriskuan.
Badira datu gehiago, azken urteetan bilakaera ezberdina izan dutenak. EAEko familien % 5,6k zailtasun handiak dituzte hilabete amaierara heltzeko (2022an % 4,1 ziren). Ifrentzuan, Nafarroak hobera egin du datuak: % 6,6 ziren 2022an, eta % 5,7 dira orain.
Ustekabeko gastuei aurre egin ezin dieten familien kopurua hazi egin da Hego Euskal Herrian. EAEn puntu pasatxo igo da (% 20,4tik % 21,4ra), eta Nafarroan, sei (% 20,1 ziren 2022an, % 26,1 2023an). Urtean astebetez oporretan joan ezin direnen portzentajea ere igo egin da: % 18,8 EAEn eta % 22,6, Nafarroan.
Dena dela, Hego Euskal Herriko bizi baldintzok Espainiako Estatukoak baino hobeak dira. Izan ere, Espainiako herritarren herenak ezin du oporretan joan, 10tik ia 4k ez dute ustekabeko gastuak ordaindu, eta ia % 10ek hilabete amaierara heltzeko zailtasun handiak ditu.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.