Gipuzkoako nekazariek lehen sektorea lehenesteko aldarria eraman dute Batzar Nagusietara
Gipuzkoako nekazariek Batzar Nagusietara eraman dituzte beren traktoreak, gaur, EHNE eta ENBA sindikatuek babestutako lehen mobilizazio handian.
Iragan otsailaren 12an kalera atera zituzten traktoreak gipuzkoar laborariek, baina EHNEk eta ENBAk iragarri zuten protesta egutegi propioa prestatuko zutela, eta gaur entzun da aurrenekoz horien aldarria kalean.
Eguerdiko manifestuan argitu dutenez, "Europa osoan zehar burutuz joan diren protestetako aldarri askorekin bat egiten dugu, baina Nekazaritza Politika Bateratuak edo Europako salerosketa libreko hitzarmenek dakartzaten arazoetatik harago ere joan beharra dago, gure herritik, gure lurraldetik, baserritarren egunerokoa hobetzeko neurriak martxan jar ditzakegu, eta hori da sakondu behar duguna. Horregatik, behin eta berriz, diskurtso propio bat eta egutegi propio baten beharra mahaigaineratu dugu, otsailaren 6ko estatu mailako mobilizazioetatik ere tartea utziz, euskal baserritarron egunerokoarekin eta beharrekin zerikusirik ez duten gauza gehiegi nahastu dira eta estatuko mobilizazio horien artean".
Hiru zutabetan abiatu dira ibilgailuak Donostiarantz: Goierri-Tolosaldetik, Urola Kosta-Orio-Usurbildik eta Bidasoaldea-Donostialdea-Garbera-Errenteriatik. N-1ean eta N-634an gorabeherak eragin dituzte traktoreek, eta eguerdia aldera Donostiako kaleak zeharkatu ondoren, Batzar Nagusietara joan dira euren aldarrikapenak agintariei eta alderdi politikoei helarazteko asmoz.
Elkarretaratzea egin eta manifestua irakurri dute antolatzaileek, 12:30 aldera. Ondoren, Xabier Ezeizabarrena Batzar Nagusietako presidentearekin eta alderdi ezberdinetako ordezkariekin biltzera joan dira, haiei beren aldarrikapenen berri emateko.
Nekazarien ordezkariek irakurritako manifestuaren arabera, herritarren ordezkariak direlako jo dute Batzar Nagusietara: "Batzuk agintean daude eta besteak oposizioan, bai Gipuzkoako udaletan, Aldundian, Batzar Nagusietan, Eusko Legebiltzarrean edo Eusko Jaurlaritzan, eta, honenbestez, denen ardura da, agintean zein oposizioan egon, lehen sektorearen jarduera sustatzea eta erraztea".
Hain zuzen ere, herritarrei ere zuzendu zaizkie baserritarrak, eta eskatu diete "egunerokoan gure lurraldean ekoizten diren elikagai eta lehengaien alde" egin dezatela.
Agintariei dagokienez, arazoak konpontzeko "aktibo" izan daitezela eskatu diete, ez ditzatela eurek sortu arazoak. Horren harira, Aldundiarekin, EUDELekin eta Eusko Jaurlaritzarekin etengabeko elkarlan "iraunkorra eta eraginkorra" izatea proposatu dute.
Izapideekin izaten dituzten gorabeherak izan dira azkenaldian sektoreko langileen protestetako batzuk, eta EHNEk eta ENBAk sustatutako manifestuan ere egiten zaio aipamena. Horiek "arintzeko, gutxitzeko eta ez errepikatzeko" lantaldeak osatzea eskatu dute.
Bestalde, Landa Jabetzaren estatutua berreskuratzea, energia berriztagarriak kokatzerakoan balio handiko lurretan ez jartzea, eta basurdeen eta orkatzen populazioari aurre egiteko neurriak hartzea eskatu dute, besteak beste.
Horregatik guztiagatik, lehen sektorea lehenesteko deia egin diete agintari, langile publiko eta ordezkari politikoei.
38 erakunde, eragile eta enpresak bat egin dute gaurko mobilizazioarekin.
Zure interesekoa izan daiteke
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.