KPIa % 3,1 eta % 2,5eraino jaitsi da EAEn eta Nafarroan, eta jakiek 2022tik izandako igoera txikiena izan dute
Prezioek gora egiten jarraitzen dute, baina duela urtebete baino maila apalagoan. Otsailean, urte arteko KPIa % 3,1ean gelditu da Euskal Autonomia Erkidegoan (EAE) eta % 2,5ean Nafarroan, argindarraren eta elikagaien prezioen beherakadak bultzatuta, batez ere.
Espainiako Estatistika Institutuak gaur zabaldutako behin betiko datuen arabera, urte arteko tasak lau hamarren egin du behera EAEn eta Nafarroan, % 3,5etik % 3,1era eta % 2,9tik % 2,4ra, hurrenez hurren.
Urtarriletik otsailera, Kontsumorako Prezioen Indizea (KPI) sei hamarren igo da EAEn eta lau hamarren, Nafarroan.
Urtea hasi zenetik, prezioak % 0,8 garestitu dira EAEn, eta % 0,1 merkatu, berriz, Nafarroan.
Bizkaiak izan du urte arteko inflaziorik handiena otsailean (% 3,3), Gipuzkoaren (% 3,2) eta Arabaren (% 2,5) aurretik. Urtarriletik otsailera, prezioak % 0,8 garestitu dira Bizkaian, % 0,5 Araban, eta % 0,4 Gipuzkoan.
Espainiako Estatuari dagokionez, urte arteko inflazioa % 2,8an kokatu da otsailean, urtarriletik sei hamarren behera eginda. Halaber, prezioak lau hamarren garestitu dira urtarriletik otsailera.
Elikagaien prezioen igoera nabarmen apaldu da. Elikagaiak eta edariak % 5,8 garestitu dira batez beste iazko otsailetik aurtengo otsailera EAEn, eta, 2022ko otsailetik izan den igoerarik txikiena da. Espainiako Estatuan elikagaiak % 5,3 garestitu dira, 2022ko urtarriletik izan den hazkuntzarik txikiena.
Bestalde, azpiko inflazioa (energia eta elikagai freskoak kontuan hartzen ez dituena) hamarren bat jaitsi da otsailean, % 3,5eraino. Hortaz, KPI orokorra baino zazpi hamarren handiagoa da.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.