Traktoreen martxa Gasteizen, Espainiako Gobernuari agindutako neurriak "gauzatzeko" eskatzeko
Hego Euskal Herriko nekazariak euren sektorea "lehenesteko" deia egitean ari dira gaur, atzera berriz, Gasteizen antolatutako traktoreen martxa batean. Hain justu, nekazaritzari buruzko nazioarteko jardunaldi batzuk baliatu dituzte aldarriak entzunarazteko. Mobilizazioetan nabarmen dutenez, ez da lehen aldia protestan ateratzen direna, baina tarte honetan "aurrerapausorik ez" dela egon salatu dute, sektorea "itota" baitago. "Aurrerapenak izan dira asmo aldetik, baina orain ikusi behar duguna da benetan gauzatzen diren ala ez", erantsi dute.
Hego Euskal Herriko nekazaritza sindikatuek (EHNE-Gipuzkoa, EHNE-Nafarroa, ENBA-Bizkaia, ENBA-Gipuzkoa eta UAGA) deitu dute protesta.
Laborariak, batzuk oinez eta beste batzuk traktore gainean, 08:30ean bildu dira Foronda Atean, eta Gasteiz Etorbidea hartu dute gero, Europa Biltzar Jauregira jo dute, han hasi baita gaur Familia Nekazaritzari buruzko VIII. Mundu Konferentzia.
Munduko Nekazaritza Foroak (familia nekazaritza eta landa garapen jasangarria sustatzen duen gobernuz kanpoko sarea) antolatzen ditu nazioarteko jardunaldi hauek, eta 55 herrialdeetatik heldutako 200 bat pertsonaren parte hartzea espero dute.
Familia nekazaritzak dituen nazioarteko erronkak aztertu eta proposamenak adostea du helburu konferentziak, betiere jasangarritasun ekonomiko, sozial eta ingurumen arlokoa bermatuta.
Esan bezala, traktoreen protesta Europa Biltzar Jauregian abiatu dute nekazariek, familia nekazaritzaren aldeko adierazpen bat irakurrita. Handik Espainiako Gobernuaren Ordezkaritzako egoitzarako bidea egingo dute, Marisol Garmendia Espainiako Gobernuak EAEn duen ordezkariari aldarrikapenen agiri bat emateko.
Konferentzia ostegunean bukatuko da, eta egun horretarako beste mobilizazio bat antolatzen ari da nekazarien elkarte independente bat (Trebiñu eta Araba Landa eremuaren Alde elkartea), eta UAGA sindikatua deialdira batzekotan da. Europa Biltzar Jauregiaren parean egingo dute hau ere, Luis Planas ministroa bertan izango dela aitzakia hartuta.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".