2025eko lan egutegiak 12 jaiegun izango ditu, maiatzaren 1ean zubia egiteko aukera emanda
Jardunean dagoen Eusko Jaurlaritzak 2025eko lan egutegia onartu du gaur gobernu bileran. Horren arabera, datorren urtean 12 jaiegun izango dira, tokian tokiko festez gain.
Zehaztutakoaren arabera, urriaren 12a ez da jaieguna izango, igandean egokituko baita. Gainerakoan, zubia egiteko aukera bakarra izango da EAE osoan: maiatzaren 1a, Langilearen eguna, osteguna da eta.
Dena dela, izango dira asteburua luzatzeko moduak, uztailaren 25a (Santiago) eta abuztuaren 15a (Jasokundea) ostiralak baitira. Abenduaren 8a, bestalde, astelehena da (2025ean, aurten bezala, ez da egongo "makro-zubirik" egiteko aukerarik).
Aste Santuari dagokionez, aurten baino beranduago egokituko da: apirilaren 17tik 21era.
Halaber, larunbata izango dira azaroaren 1a eta abenduaren 6a.
Hona 12 jaiegunen zerrenda:
- Urtarrilaren 1a (Urteberri eguna, asteazkena)
- Urtarrilaren 6a (Errege eguna, astelehena)
- Apirilaren 17a (Ostegun Santua)
- Apirilak 18 (Ostiral Santua)
- Apirilaren 21a (Pazko Astelehena)
- Maiatzaren 1a (Langilearen eguna, osteguna)
- Uztailaren 25a (Santiago, ostirala)
- Abuztuaren 15a (Jasokundea, ostirala)
- Azaroaren 1a (Domu Santu eguna, larunbata)
- Abenduaren 6a (Konstituzioaren Eguna, larunbata)
- Abenduaren 8a (Sortzez Garbia, astelehena)
- Abenduaren 25a (Eguberri eguna, osteguna)
Esan bezala, egun horiei beste bi jaiegun gehitu behar zaizkie, Aldundiek zehaztu beharrekoak. Ezusterik ezean, honakoak izango dira:
Bizkaian eta Gipuzkoan: Uztailaren 31 (San Inazio). Osteguna da.
Araban: Apirilaren 28 (San Prudentzio). Astelehena.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.