Bergara eta Maltzaga arteko AP-1 autobidea itxi egingo dute ostiral gauean Lesarriko tunela irekitzeko
AP-1 autobidea itxita egongo da ostiral gauean Bergara hegoaldeko lotunearen eta Maltzagako lotunearen artean, Lesarriko tunel berrituaren lehen fasea irekitzeko lanak direla eta, Gipuzkoako Foru Aldundiak jakitera eman duenez.
Irailean hasi ziren AP-1 autobidean, Bergara parean, Lesarriko tuneleko bi hodien euskarriak indartzeko eta horiek estaltzeko eta berritzeko lanak.
Zehazki, Bergara hegoaldeko lotunearen (133,500 kilometro-puntua) eta Maltzagako lotunearen (146,400 kilometro-puntua) artean itxiko dute. Itxiera ostiral honetan hasiko da, apirilaren 26an, 21:00etan, Behobiarako noranzkoan, eta 21:30ean Gasteizerako noranzkoan, eta biharamuneko 09:00ak arte egongo da itxita.
Alternatiba gisa, AP-8tik Gasteizera doazen ibilgailuek Eibarko irteera erabili beharko dute eta GI-627 errepidetik jarraitu Bergara hegoaldeko sarreraraino, AP-1era sartzeko. AP-1etik Bilborantz edo Behobiarantz doazenek ibilbide bera egin beharko dute kontrako noranzkoan, Bergara hegoaldetik irten eta Eibarko lotunea erabili AP-8ra sartzeko.
Gasteizko noranzkoan tunela berritu ondoren, bi tunelak 2024ko maiatza eta iraila bitartean egongo dira irekita, udan irteera- eta itzulera-operazioetan ugaritzen den trafikoa errazteko.
Udako etenaldiaren ostean, 2024ko irailean, hodia berritzeko obrei ekingo zaie Behobiarako noranzkoan. Lanak 2025eko maiatzean amaituko dira, eta Gasteizko noranzkoan berritutako tunelean jarritako bypassetik desbideratuko da trafikoa.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.