Sindikatuek alderdiei eskatu diete sektore publikoko langileen baldintzak Hego Euskal Herrian erabakitzea
ELA, LAB, CCOO, ESK eta Steilas sindikatuek alde biko bilerak deitu dituzte astelehen honetan euskal indar politikoekin, EAEk eta Nafarroak sektore publikoko soldatei eta enpleguari buruz erabaki dezaten, Madrilen "betorik" gabe.
Bilera horietan EH Bilduk eta Sumarrek baino ez dute parte hartu. Jeltzaleek uko egin diote joateari, eta Podemosek, PPk eta PSE-EEk "ez dute erantzun ere egin", sindikatuetako ordezkariek prentsaurrekoan adierazi dutenez.
EH Bildurekin eta Sumarrekin izandako bileretan, sindikatuek proposamen bat helarazi diete, Diputatuen Kongresuan zuzenketa moduan aurkezteko. Onartuz gero, Euskal Autonomia Erkidegoari eta Nafarroari aukera emango lieke bere langile publikoen baldintzei buruz erabakitzeko, hemengo erakundeetatik funtzionarioen soldatak eta lan-baldintzak finkatuz. Prentsaurrekoan nabarmendu dute 150.000 pertsona baino gehiago ari direla lanean sektore publikoan.
Igor Izagirreren (ELA) arabera, hamarkada bat baino gehiago darama Espainiako Gobernuak aurrekontuen legearen edo antzeko beste lege batzuen bidez sektore publikoetako soldaten eta enpleguaren inguruan erabakitzen. Gauzak horrela, alderdi politikoei eskatu die beto hori normaltzat ez jotzeko eta "euren botoak autogobernua defendatzeko eta Euskadin sektore publikoaren beharrak negoziatzeko" erabiltzeko.
Izagirrek zalantzan jarri du bilerara joan ez diren gainerako alderdi politikoen interesa, baina esan du proposamena bidaliko dietela.
Sindikatuentzat, sektore publikoari buruz erabakitzeko gaitasuna Euskadira eta Nafarroara ekartzean egungo behin-behinekotasunaren % 40a murrizten lagunduko luke, baita pribatizazioak ere, 120.000 lanpostu, gutxi gorabehera. Gainera, soldatak hobetzea earriko luke, "azken hamarkadan % 20 jaitsi baitira".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.