EAEk eta Nafarroak enplegu publikoa erabaki ahal izatea Kongresuan defendatzeko eskatu du gehiengo sindikalak
ELA, LAB, CCOO, Steilas eta ESK sindikatuek aldebiko bilerak egitera deitu dituzte euskal indar politikoak maiatzaren 20an, Diputatuen Kongresuan Euskal Autonomia Erkidegoan (EAE) eta Nafarroan sektore publikoko soldatak eta enplegua Madrilgo "betorik" gabe erabaki ahal izatea defendatzeko.
Bilbon emandako prentsaurreko batean, sindikatu horietako ordezkariek azken hauteskunde orokorretan Hego Euskal Herrian ordezkaritza lortu zuten indar politikoekin bilera sorta iragarri dute. Sindikatu horiek mobilizazioak eta grebak sustatu dituzte euskal sektore publikoan, UGTren parte-hartzerik gabe, eta eskaera hori izan dute aldarrikapen nagusien artean.
EAJk, EH Bilduk, PSE-EEk, PPk, Elkarrekin Podemosek eta Sumarrek erantzuteko zain daude sindikatuak. Aldebiko bilerak astelehenean eskatu zizkieten alderdi politikoei.
Sindikatuetako ordezkariek azaldu dutenez, proposamen bat aurkeztuko diete, Kongresuan zuzenketa bat aurkez dezaten. Zuzenketa hori onartuz gero, foru-lurraldeei aukera emango lieke langile publikoen baldintzei buruz erabakitzeko, euskal erakundeetatik funtzionarioen soldatak eta lan-baldintzak finkatzeko.
Horrekin "ez genuke arazorik izango zerbitzu publikoak indartzeko", enplegu publikoa sortuz eta sendotuz, lan-baldintzak hobetzeaz gain, Igor Eizagirre ELAko ordezkariak esan duenez, hori lortzea "borondate politiko kontua" da.
Diputatuen Kongresuan, aurrekontuen lege bat eztabaidatzen ez duten arren, Ukrainako eta Ekialde Hurbileko gatazken ondorioei aurre egiteko neurri ekonomiko eta sozialak hartzeko lege-proiektu bat negoziatzen ari direla azaldu du, baita lehortearen ondorioak arintzeko ere. Talde sozialistak eta Sumarrek zuzenketa bat aurkeztu dute, "Madrilek ezarritako soldata igoerak ez direnak negoziatzea eragozteko".
Sindikatuek gaitzetsi egin dute euskal indar politikoek zuzenketarik aurkeztu ez izana lege-proiektu horri, eta, horregatik, bilera-sorta eskatzea erabaki dute, "Madrilek ezarritako betoa kentzeko".
Horrez gain, sindikatuek hilaren 27an ekingo diete berriro sektore publikoan mobilizazioei. Orduan, elkarretaratzeak egingo dituzte Eudel Euskadiko Udalen Elkartearen eta Eusko Jaurlaritzaren Bilboko egoitzen aurrean.
Protesta horietan, "Espainiako Gobernuaren ordezkaritza gisa funtzionatzeari uzteko" eta zerbitzu publikoak indartzeko eta beharginen baldintzak hobetzeko eskatuko diete euskal erakundeei. Era berean, sindikatuek lege-proiektu hori Diputatuen Kongresuan bozkatu baino lehen manifestazioa egiteko asmoa dute.
Zure interesekoa izan daiteke
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.