Tubacexek Arabiar Emirerri Batuetan duen filialaren % 49 erosi du Abu Dhabiko inbertsio funts batek
Abu Dhabiko (Arabiar Emirerri Batuak) inbertsio funts batek, Mubadala Investment Companyk, akordioa egin du Tubacexekin horrek herrialde arabiarrean duen gas eta petrolioaren ekoizpen eta esplotaziorako negozioaren % 49 eros diezaion.
Arabako tutuen fabrikatzaileak Espainiako Balore Merkatuaren Batzorde Nazionalari ohar bidez jakinarazi dionez, inbertsio funtsak 150 milioi dolar (ia 139 milioi euro) ordainduko dizkio operazioagatik.
Tubacexen esanetan, Arabiar Emirerri Batuetan konpainiak duen "leku estrategikoa" indartuko du operazioak. 2022an Abu Dhabiko petrolio konpainia nazionalarekin "megakontratua" izenpetu zuen Tubacexek, eta bertan lantegi bat eraikitzekotan dago, gas putzuetarako hodiak fabrikatzeko. Hain justu, Mudadala inbertsio funtsak lantegi hori altxatzeko inbertsioaren zati bat ere ordainduko du. Guztira, 90 milioi inguruko inbertsioa aurreikusi du hodigileak.
Arabako konpainiak uste du operazio horrek taldearen gainerako lantegiak "dinamizatuko" dituela, baita EAEn dituenak ere —lantegiak dituzte Amurrion, Laudion eta Artziniegan—. Are gehiago, "baliteke inbertsio berriak egitea instalazioetan", erantsi dute oharrean.
Hain justu, operazioak EAEn izan dezakeen ondorioez galdetuta, konpainiako iturriek nabarmendu dute ez duela eraginik izango enpresaren erabakiguneetan eta jardunean. Azaldu dutenez, erosketa gasa ateratzeko erabiltzen diren tutuei eragiten die; EAEn egiten direnak, ordea, "jatorrizko tutuak" dira, eta Arabiar Emirerri Batuetan amaituko lituzkete.
Halako operazioek behar dituzten baimenen zain dago operazioa, Tubacexek zehaztu duenez.
Horiek jaso bitartean, Burtsan gora egin dute Tubacexen akzioek. Saioaren irekieran % 5 igo dira, eta akzioa 3,355 euroan kokatu da.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.