Eusko Jaurlaritzak dio enplegu publikoa egonkortzeko bere prozesuek "segurtasun juridikoa" dutela
Euskal Autonomia Erkidegoan enplegu publikoa egonkortzeko pasa den legegintzaldian egin diren prozesuak "segurtasun juridikoa" dutela eta "fase oso aurreratuan" daudela ziurtatu du Eusko Jaurlaritzak. "Gaur egun, emaitzen zerrenda argitaratuta, prozesu horiek azken fasean daude", dio hitzez hitz Gobernantza Publikoa eta Autogobernua Sailak kaleratu duen oharrak.
Auzitegi Gorenak bitarteko langileen inguruan emandako azken ebazpenaren ondotik sortutako zalantzen aurrean hainbat argibide eman ditu gaur jardunean dagoen Jaurlaritzak. Azaldu duenez, bitarteko langileak automatikoki finko egitea errefusatu duen epaiak "aldi baterako lan kontratuei" eragiten die.
Halaber, Olatz Garamendi buru duen Sailak zehaztu duenez, aipaturiko prozesuak "lehia askekoak dira eta izangaien lehia bermatzen dute, edozein modalitatean, bide berezitik edo ohiz kanpokotik". "Lan-eskaintza publiko horiek une oro bermatu dute berdintasuna, merezimendua, gaitasuna eta lehia askea, hau da, hautagaien arteko lehia. Eta une oro bitarteko langileek metatutako esperientzia eta antzinatasun luzea aitortu dute".
Gasteizko Exekutiboak egindako kalkuluen arabera, 2024. urtearen amaierarako "karrerako funtzionarioek beteko dituzte Administrazio Orokorrean hutsik dauden 3.700 lanpostu inguru". "Prozesu horren guztiaren ondoren, egiturazko behin-behinekotasuna Europak ezarritako % 8tik behera geratuko da".
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.