Arabako lurrak defendatu eta berriztagarrien jazarpena salatu dute traktoreekin Gasteizen egin duten protestan
Ehunka lagun eta 50 bat traktore atera dira kalera Gasteizen, Arabako lurren alde eta energia berriztagarrien proiektuak sustatzen ari direnen "jazarpenaren aurka".
UAGA Arabako Nezakarien Elkarteak, Bionekazaritza Arabako Nekazaritza Ekologikoaren aldeko Elkarteak eta Araba Bizirik taldeak deitu dute manifestazioa.
Protestan, Araban aurreikusita dauden proiektu energetiko, eoliko eta fotovoltaikoak jasotzen dituen mapa bat banatu dute. Hortxe bildu dituzte, halaber, lurraldea zeharkatuko duten goi-tentsioko lineak, eta bertan azaldu dute Lautadako, Aiarako eta Lantarongo lurrak hartuko dituztela horretarako.
Manifestazioaren amaieran, komunikatu bat irakurri dute. Horren bidez, hiru elkarteek ziurtatu dute proiektu energetikoen etengabeko jarioak mehatxu egiten diola lehen sektorearen eta arabarren etorkizunari. "Berdez mozorrotuta, enpresa energetiko handien negoziorako aitzakia dira egitasmo horiek", salatu dute.
Horrez gain, erakundeak —Aldundiak eta Jaurlaritzak— plan horiei "laguntza ordainezina" ematen ari zaiela kritikatu dute.
Horregatik guztiagatik, proiektu horiek gelditzea exijitu dute, "arauetan iruzur egiteaz gain, ez dutelako guztion artean adostutako lurralde banaketa bermatzen".
Albiste gehiago ekonomia
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.
LABek eta EH Bilduk etxebizitza erosteko abalak ematea arbuiatu dute eta prezioen "suari gasolina botatzea" dela esan dute
Sindikatuak elkarretaratzea egin du EAJren Bilboko egoitzaren aurrean. EH Bilduk ziurtatu du neurria ez dela etxebizitza politika bat, "finantza erakundeei mesede egiten dien eta merkatu espekulatiboa elikatzen duen" banku politika baten ondorio baizik.
Jarraipen zabala, Bizkaiko autoeskoletan deitutako lehen greba egunean, ELAren arabera
Uztailaren 16an eta 21ean izango dira hurrengo lanuzteak, ELA eta CCOO sindikatuek deituta.
Ainhoa Tirapu (ELA): "Zazpi bileren ondoren ez dago proposamenik mahai gainean"
Bizkaiko autoeskoletako langileak kalera irten dira lan-hitzarmena eguneratzea eskatzeko. ELA sindikatuko Ainhoa Tirapuk zehaztu du zazpitan elkartu direla patronalarekin, baina ez dagoela proposamen onargarririk mahai gainean. Erosahalmena berreskuratzea eta lan-orduak jaistea eskatzen dute, besteak beste.
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Sindikatuen ustez, Gasteizko lorezainen grebarekin amaitzeko Jaurlaritzak egindako proposamena ez da nahikoa
Eusko Jaurlaritzak langileen greba mugagabearekin amaitzeko proposamena egin die sindikatuei eta Enviserren zuzendaritzari. Proposamenaren arabera, KPIa + % 2,2ko soldata-igoera izango da aurten, % 2koa 2026rako eta 2027rako, eta 2.250 eurokoa 2028rako. Enviserrek onartu du planteamendu hori, eta ESKk eta LABek, berriz, uste dute igoera "ez dela nahikoa"; hala ere, hitza eman dute konpromisoa proposamena barne-organoei helarazteko.