Osakidetzak aparteko orduen ordainsaria handituko die etengabeko arretako eta larrialdietako erizainei
Osakidetzak eta Satse sindikatuak adostu dute etengabeko arretako eta larrialdietako erizainei aparteko orduen lansaria areagotzea, ez, ordea, medikuei. Helburua, udako osasun langile gabeziari aurre egitea da.
Onartutako neurriaren helburua da Osakidetza 2018ko prezioak ordaintzera behartzen zuen epaia betetzea, 2023ko instrukzioan eguneratutakoaren arabera ordaindu beharrean. Neurri horrek % 29ko igoera dakar orain arte ordaintzen ari den zenbatekoarekin alderatuta, eta 1.200.000 euro inguruko kostua.
Osasun Sailetik zehaztu dutenez, Osakidetzak egokitzat jo du gaur lortutako akordioa, baina azpimarratu dute autokontzertazioa "irtenbide puntuala" dela "langileen beharrak asetzeko, bereziki orain udan, oporren ondorioz profesionalen plantilla murrizten denean", eta lehentasuna "kontrataziora jotzea dela, eta ez aparteko orduak ordaintzea".
ELAk, LABek eta CCOOk kritikatu dute Osakidetzak langile falta konpontzeko egitasmorik gabe jarraitzen duela
Osakidetzak eta sindikatuek mahai sektorialaren beste bilera bat egin dute gaur, eta, horren ostean, ELAk, LABek eta CCOOk bat egin dute Eusko Jaurlaritzak langile faltari aurre egiteko egitasmorik gabe jarraitzen duela kritikatzean. Zuzendaritzak proposatzen duen konponbide bakarra aparteko ordu gehiago egitea dela salatu dute sindikatuek.
Osakidetzako zuzendaritzak gaurko hitzorduan planteatu du etengabeko arreta-guneetako eta larrialdietako medikuek eta erizainek aparteko orduak egitea, baina sindikatuek proposamena baztertu dute.
ELAk salatu du Osakidetza duela lau urte baino okerrago dagoela gaur egun, beharginen belaunaldi erreleboari eta profesional batzuen (bereziki fakultatiboen) eskasiari aurre egiteko planik gabe.
"Osakidetzak ez du inolako egitasmorik. Plan bakarra sistemak eta herritarrek datozen urteetan ahal duten moduan eustea da, sisteman erreleboa modu naturalean burutu arte. Funtzioen utzikeria garbi baten aurrean gaude", kritikatu du ELAk.
Ildo beretik, LABek uste du Osakidetzako zuzendaritzak berriro ere saihestu egin duela langileen defizitari irtenbideak proposatzea aparteko orduak egiteaz gain, eta horrek "egoera kaotiko bati berriro adabakiak jartzea dakar, urteetan bere betebeharrak alde batera utzita".
"Zuzendaritzak epe laburreko neurriak planteatzen ditu berriro, urtez urte kaosa handiagoa izatea eragiten duten neurri berberak. Autokontzertazioa, aparteko orduak eta deribazioak/pribatizazioak dira zuzendaritzak proposatzen dituen neurri bakarrak, beste urte batez egiturazko arazo larriei aurre egin barik", azpimarratu du LABek.
Azkenik, CCOOk ere uste du Osakidetzak "adabakiak betikotzen" dituela, "langileen egiturazko gabeziari heldu beharrean".
Sindikatuak gogorarazi du autokontzertazioa deritzona, besterik gabe, aparteko orduaren prezioa ezartzea dela, beharginek beren lanaldian ezarritakoak baino ordu gehiago egin ditzaten. "Autokontzertazioa ez da aparteko orduak murrizteko neurri bat bezala erabiltzen Osakidetzaren eskutik, baizik eta langileak horiek egitera bultzatzeko".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.