KPI-A
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Inflazioak gora egin du ekainean, eta urte arteko tasa % 3,5an geratu da EAEn, eta % 3,4an Nafarroan

Igoera handienak Etxebizitzan (% 5 inguru garestitu da), elikagai eta edari ez-alkoholikoetan (% 4,55) eta ostalaritza eta hoteletan (% 4,1) izan dira.
orain-default-image
author image

EITB Media

Azken eguneratzea

Prezioek gora egin dute ekainean Hego Euskal Herrian, eta urte arteko inflazioa % 3,5ean eta % 3,4an geratu da EAEn eta Nafarroan, hurrenez hurren. Hala ere, ekaineko urte arteko datua maiatzekoa baino apalagoa da, lau hamarren EAEn, maiatzean % 3,9koa baitzen, eta hamarren bat Nafarroan, maitzean % 3,5ekoa baitzen.

INE Espainiako Estatistika Institutu Nazionalak gaur eman ditu ekaineko behin betiko datuak. Maiatzetik ekainera, Kontsumorako Prezioen Indizea (KPI) bost hamarren igo da Nafarroan, eta hiru hamarren Nafarroan. Prezioek gora egiten jarraitzen badute ere, igoera moteldu egin da.

Etxebizitzak, elikagai eta edari ez-alkoholikoek eta ostalaritzak eta hotelek izan dituzte urte arteko hazkunde handienak, % 5, % 4,5 eta % 4,1eko garestitzeekin, hurrenez hurren. 

Arabak izan du urte arteko inflaziorik txikiena ekainean (% 3,2), Bizkaiak (% 3,5) eta Gipuzkoak (% 3,6) baino txikiagoa.

Urtea hasi zenetik, prezioak % 3 garestitu dira EAEn, eta % 2,4 egin dute gora Nafarroan.

Elikagaien prezioak ere gora egiten jarraitzen du. Elikagaiak eta edariak % 5 garestitu dira batez beste urtebetean EAEn, eta % 4,1 Nafarroan. Hala ere, urte arteko datua maiatzekoa baino apalagoa da, aurreko hilabetean % 5,6koa eta 4,5ekoa izan baitzen, hurrenez hurren. Maiatzetik ekainera, prezioak mantendu egin dira Nafarroan, eta hiru hamarren merkatu dira EAEn.

Espainiako Estatuan, elikagaiak batez beste % 3,4 garestitu dira urtebetean —maiatzean baino bi hamarren gutxiago—, batez ere, erregaien merkatzeagatik eta elikagaiak modu apalagoan garestitu direlako.

Azpiko inflazioa (energia eta elikagai freskoak kontuan hartzen ez dituena) % 3an kokatu da, azken hilabeteetan izandako egonkortasuna mantenduz.

Ekonomia Araba Nafarroa Bizkaia Gipuzkoa Euskal Autonomia Erkidegoa KPI Eguneko Titularrak

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu