Hekuntza Sailak LEP berri bat iragarri du ikasturte honetarako
Eusko Jaurlaritzako Hezkuntza Sailak Lan Eskaintza Publiko (LEP) berri bat iragarri du ikasturte honetarako, zenbat plaza izango diren argitu ez badu ere. Azken urteotan abian jarritako egonkortze prozesuen bidez, abiatu berri den lan-urtean "5.000 plaza inguru" kontsolidatuko direla eta, pozik agertu da Begoña Pedrosa Hezkuntza sailburua.
Haren hitzetan, egonkortze prozesuek "jarraipena" izan behar dute, helburua delako "behin-behinekotasuna % 8ra jaistea". Hori dela eta, aurreikusita dauden jubilazioek hutsik utzitako lanpostuak esleitzen joateko asmoa azaldu du. "Egonkortzea geratzeko etorri da, eta lan egiten jarraitu behar dugu".
Onda Vasca irrati-katean egindako elkarrizketan, sailburuak jakinarazi du Hezkuntzako sindikatuekin irailaren hasieran bildu zela, "giro lasaian", aurreko legealdiko gaiei berriro heltzeko. Urrirako deituko duten Mahai Sektorialera begira, elkarlanerako jarrera "positiboa" ikusten du.
Sindikatuak, kritiko
Sindikatuek ez zuten Jaurlaritzak gaur iragarritako lan-eskaintzaren berri, eta oso kritiko agertu dira. Mahai Sektoriala lehenbailehen deitzea eskatu dute, eta eskaintzaren inguruko xehetasunak bertan emateko eskatu diote sailburuari.
Euskadi Irratian egindako adierazpenetan, Aritz Villar LABeko kideak azaldu du prentsaren bidez izan dutela LEParen berri, eta sailburuarekin izandako banakako hartu-emanetan ez zaiela horren inguruan ezer jakinarazi.
Erantsi duenez, joan den urteko uztailean LABek eta Hezkuntza Sailak akordioa izenpetu zuten, eta, besteak beste, behin-behinekotasuna % 5era jaistea adostu zuten. "Hezkuntza Sailak agindutakoa ez du beteko", esan du. Joan den ikasturtean deitutako mobilizazioetan aldarrikatutakoa ekarri du gogora, eta "birjartze-tasak hemen, eta ez Madrilen, erabakitzea" eskatu du.
Ildo beretik mintzatu da Nagore Iturrioz Steilas sindikatuko ordezkaria ere. "Deigarria iruditu zaigu komunikabide batean iragartzea LEPa, gurekin oraindik ezer partekatu gabe", salatu du.
Sailburuarekin izandako lehen batzarrean "lan-eskaintzaren inguruan zertzelada batzuk" bai, baina inolako zehaztapenik ez zaiela helarazi zehaztu du.
Horregatik, "Mahai Sektoriala lehenbailehen" deitzea eskatu du Iturriozek ere.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.