PPk osoko zuzenketa aurkeztuko dio Eusko Jaurlaritzaren aurrekontu proiektuari
Alderdi Popularrak ez du Eusko Jaurlaritzaren datorren urteko aurrekontuak negoziatzen jarraituko eta osoko zuzenketa aurkeztuko dio aurrekontu proiektuari. Javier de Andres Euskadiko PPren presidentearen arabera, EAJk eta PSE-EEk nahiago dute EH Bildurekin akordioa lortu.
Buruzagi popularrak gaur goizean Bilbon egin duen prentsaurrekoan azaldu duenez, Noël d'Anjou Ogasun eta Finantza sailburuak mahai gainean jarritako azken proposamenak ez ditu PPren eskariak asebete.
PPk Segurtasun eta Osasun sailetara diru gehiago bideratzea eskatu zuen, aurrekontu proiektuan izandako igoera orokorraren adinakoa; hau da, gutxienez, % 4,7 gehiago. Eusko Jaurlaritzak, ordea, ez du horrelakorik onartu.
Hori dela eta, PPk osoko zuzenketa aurkeztuko dio Eusko Jaurlaritzaren 2025eko aurrekontu proiektuari. De Andresek adierazi duenez, ez dira islatuta sentitzen aurrekontu proiektuan eta uste du, agian, "EAJk eta PSE-EEk nahi dutena" EH Bildurekin akordioa lortzea dela.
Eusko Jaurlaritza sostengatzen duten bi alderdiek (EAJ eta PSE-EE) 2025erako aurrekontuak onartzeko gehiengo osoa badute ere, akordio hori zabalagoa izatea nahi dute. PPk eta Sumarrek negoziazioekin ez jarraitzea erabaki dute, eta, hortaz, orain EH Bildu da aukera bakarra.
Eusko Jaurlaritzak "penaz" hartu du PPren erabakia, baina Maria Ubarretxena bozeramaileak azpimarratu du oraindik ere alderdi bat (EH Bildu) negoziazio mahaian dagoela eta akordioa lortzeko aukerak badaudela. Gobernu bileraren osteko prentsaurrekoan azaldu duenez, Jaurlaritza "borondate guztiarekin" eta "zintzotasunez" ari da lanean "Euskadik akordio zabalago bat merezi duelako".
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua; Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.