Autobus zerbitzuan deitutako grebak jarraipen txikia izan du EAEn eta Nafarroan
Espainiako Estatuko autobus zerbitzuan gaur-biharretan deituta dagoen grebak jarraipen eskasa izan du Euskal Autonomia Erkidegoan eta Nafarroan. Deialdia CCOO eta CGT sindikatuek egina da.
CCOO sindikatuko iturriek azaldu dutenez, urriaren 29ko lanuztearekin alderatuta, grebaren jarraipena eskasagoa izan da. Oraingoan UGTk ez du bat egin deialdiarekin, ezta orain arte bezala ELAk eta LABek ere.
Bizkaian, foru aldundiak zabaldutako datuen arabera, goizean Bizkaibus zerbitzuko autobusen % 85 ibili dira errepideetan.
Bilbon, Bilbobus zerbitzuko ia autobus guztiak ibili dira goizeko txandan, 129tik 124, hain zuzen ere.
Araban, Alavabus zerbitzuko autobusak normaltasunez aritu dira, eta Gasteizko Tuvisa autobusetan, berriz, pertsona bakar batek egin du bat grebarekin goizeko txandan.
Gipuzkoan, hiriarteko zerbitzua ematen duten konpainiek normaltasunez jardun dute, Avanzak izan ezik. Kasu horretan, % 97ko parte-hartzea izan da.
Donostian, Dbus konpainiako langile guztiek lan egin dute goizeko txandan.
Nafarroan, Iruñeko autobus zerbitzua ematen duen enpresak azaldu duenez, normaltasuna ia erabatekoa da eta autobusen % 95 ari dira lanean.
Bigarren greba eguna, urriaren 29ko lanuztearen ondotik
Estatuko, eskualdeko, hiriarteko eta hirietako autobus gidariak grebara daude deituta gaur eta bihar, azaroaren 28 eta 29an, sektoreko langileen aurretiazko erretiroa galdegiteko. Hego Euskal Herrian % 30-40ko gutxieneko zerbitzuak daude ezarrita.
Deitutako zazpi greba egunetako bigarrena da gaurkoa (lehena urriaren 28an egin zuten). Hilaren 11rako lanuzte bat zegoen iragarrita, baina bertan behera utzi zuten goialdeko borraskak eragindako txikizioa dela eta.
Oraingo honetan, CCOOk (Estatuan % 40ko ordezkaritza du) eta CGTk deitu dute lanuztea. UGT eta SLT sindikatuek akordioa lortu zuten asteburuan patronalarekin, eta hala, deialditik kanpo geratu dira. Adostutakoaren arabera, Confebus, Anetra eta Atuc patronalek aurretiazko erretiroa eskatuko diete administrazioei errege dekretu berria indarrean sartzen denean.
CCOOren ustez, konpromiso hori ez da nahikoa, errege dekretua otsailean edo geroago onartuko dutelako.
Bi greba egun horien ostean, hiru lanuzte (abenduaren 5,9 eta 23) daude deituta. Akordiorik ezean, hilaren 23tik aurrera mugagabea izango da greba.
Gutxieneko zerbitzuak Hego Euskal Herrian
Eusko Jaurlaritzak urrian ezarri zituen gutxieneko zerbitzuak, orokorrean % 30ekoa. Horiek dira, besteak beste, Bizkaibus, Euskotren, Lurraldebus, PESA, Bilbobus, Dbus eta Tuvisaren zerbitzuetan indarrean egongo direnak.
Nafarroako Gobernuak % 40ko gutxieneko zerbitzuak ezarri ditu lanegunetarako, % 30ekoak larunbaterako eta % 20koak jaiegunetarako (bihar, adibidez, jai da Iruñean). Dena dela, puntako orduetan, % 60koak izango dira. Erabilera bereziko garraio erregularrean, eskola garraioan eta desgaitasunen bat duten pertsonei zuzendutakoan, zerbitzuak ohiko martxan ariko dira (% 100).
Zure interesekoa izan daiteke
Osakidetzako lan-eskaintza berriaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta horietatik, 2.160 berriak izango dira.
Sindikatu eta abokatuek interinoen "finkotasuna" eskatzen dute Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain geldirik dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak finkotasuna ezinbestekotzat jotzen dute. ELAkk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.