Auto berri bakoitzeko bigarren eskuko 3 edo 4 saltzen dira
Euskal Autonomia Erkidegoan eta Nafarroan saltzen den ibilgailu berri bakoitzeko bigarren eskuko 3 edo 4 saltzen dira. 2023an, esate baterako, bigarren eskuko salmentak 99.584 izan ziren, eta matrikulazio berriak, aldiz, 31.581. Hain zuzen ere, bigarren eskuko autoen salmenta Estatuan baino ugariagoa da gure artean, han auto berri bakoitzeko erabilitako bi saltzen baitira.
Mota horretako autoen alde egiteko arrazoien artean aipatzen dira bigarren eskuko plataformetarako irisgarritasuna eta prezioa. Hala ere, Estatuko batez besteko prezio altuenetakoa daukagu EAEn, 23.000 eurokoa. Estatuko batez besteko salneurria 18.900 eurokoa da eta Nafarroan, ostera, merkexeago daude bigarren eskuko autoak: 18.000 euroko batez besteko prezioa dute.
Erabilitako ibilgailuen salerosketen kasuan oso gutxi dira "auto berdeak edo garbiak" deiturikoak (elektrikoak, hibridoak, hidrogenoarekin edo gas naturalarekin dabiltzanak eta PGLak). Diesel motordun ibilgailuak salerosten dira gehien.
Autoen antzinatasunari dagokionean, nahiko auto zaharrak ditugu Nafarroan eta EAEn: batez beste, 15,2 eta 14,5 urtekoak, hurrenez hurren.
Estatuan txikiagoa da batez besteko antzinatasuna (14,2 urte). Alabaina, beste erkidego askotan gainditzen dute hemengo antzinatasuna: Gaztela eta Leon (16,1 urte), Galizia (15,9 urte) eta Extremadura (15,9 urte).
Kontrara, Madril da ibilgailu-parke gazteena duen erkidegoa (11,5 urte).
Saltokiak eta tailerrak
EAEn eta Nafarroan 3.480 auto-konponketako tailer eta saltoki daude guztira eta 18.000 langilek baino gehiagok egiten du lan horietan.
Azken urteetan, merkatuak behera egin du. Oro har, 2023ko ibilgailuen salerosketari buruzko datuak 2022koak baino hobeak badira ere, 2019koekin alderatuta, % 30,6 gutxiago saldu zen. Ildo beretik, enpresen kopuruak ere behera egin du; sarea % 13,5 murriztu da EAEn eta % 6,2 Nafarroan.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.