Etxebizitzaren gaineko kezka ia hirukoiztu egin da azken urtean EAEn, osasungintzaren pare jartzeraino
Etxebizitzaren eta etxegabetzeen auzia indarrez sartu da Euskal Autonomia Erkidegoko (EAE) herritarren kezken artean, eta azken urtean, ia hirukoiztu egin da arazo gisa identifikatu dutenen kopurua. Horixe da, bederen, neguko Deustobarometro inkestaren emaitzek diotena.
Galdetutakoen % 41ek aipatu dute etxebizitzaren arazoa azken galdeketa honetan. Iazko inkestan, % 16 izan ziren (herritarren bosgarren kezka zen orduan), hortaz, 25 puntu hazi da bizitokien gaineko ardura. Hala, osasungintzarekin ia parekatuta (% 42) ageri da aurten. Hirugarren arazo handia, 10 puntuko tartera, prezioen igoera dela diote herritarren % 33k.
Inkestaren emaitzak gaur aurkeztu dituzte prentsaurrekoan Maria Silvestre eta Braulio Gomez proiektuaren zuzendariek eta Iratxe Aristegi ikertzaileak. Galdeketa azaroaren 19tik abenduaren 4ra egin zuten 1.000 herritarren artean.
Deustobarometroak azalarazi duenez, etxebizitza buruhauste handienetakoa da gaur-gaurkoz, baina etorkizunera begira ere ezkortasuna da nagusi. Itaundutakoen % 31k uste dute ez dutela inoiz etxebizitza bat erosterik izango, eta % 28ren aburuz, 10 urte beharko dute horretarako.
Herritarren arabera, etxebizitza politika publikoek ez dute herritarren onespena jaso: 10etik 3,8 nota jarri diete. Gizartearen gehiengoak uste du Estatuak etxebizitza merkatuan eskua sartu behar duela. 10 herritarretik 7 gune tentsionatuak izendatzearen alde daude, alokairuen prezioa mugatze aldera. Are gehiago dira (% 86) alokairu publikoa eraikitzea babesten dutenak, eta % 76k uste dute alokairuagatik emandako kenkariak igo behar direla. Inkestari erantzun dioten hiru laurdenen arabera, Udalek lurzoru gehiago bideratu beharko lukete etxebizitza librea eraikitzeko.
Bada beste datu deigarririk: herritarren % 76k muga ezarriko lukete inork ez zezan bi etxebizitza baino gehiago izan.
Era berean, etxebizitza jabetzan edukitzearen aldekoa da biztanleriaren ia gehiena (% 91), % 86k uste baitute etxebizitza erostea inbertsio onena dela. Zentzu berean, 10 herritarretik 7ren iritzian, alokairuan egotea dirua botatzea da.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.