Eusko Jaurlaritzak garraio publikoan deskontuak mantenduko ditu datorren urtean
Susana Garcia Chueca Mugikortasun Iraunkorreko sailburuak ostiral honetan iragarri duenez, Eusko Jaurlaritzak eutsi egingo die Euskotrenen garraioan hobariei, eta jakinarazi du EAEko Garraio Agintaritza deitu duela astelehenerako. Bilkura horretan, EAEko gainerako garraio-operadoreei jakinaraziko die Jaurlaritzaren asmoa zein den, eta galdetuko die ea prest dauden % 50eko hobariekin bat egiteko, bai eta 12 urtetik beherakoentzako doakotasunarekin bat egiteko ere.
Espainiako Gobernuak garraio publikoaren deskontuak beste sei hilabetez luzatuko dituela iragarri ostean, sailburuak "oso positibotzat" jo du neurri hori, "garraio publikoaren erabilera areagotzeko" eta "autoak errepideetatik ateratzeko eta, modu eraginkorragoan, klima-aldaketaren aurka borrokatzeko" lagungarri dela uste baitu.
Azaldu duenez, behin Espainiako Gobernuak neurri horiek jasotzen dituen Errege Lege Dekretua onartuta, aztertu egingo dituzte, eta aurreratu du datorren asteleheneko bileran partekatuko dituztela gainerako operadoreekin "zer neurri onartu diren eta nola ezarriko diren".
Sailburuak adierazi du EAEn hobariak % 50ean mantenduko direla, orain arte bezala, hau da: % 30 Espainiako Gobernuak emango du, % 10 Eusko Jaurlaritzari dagokio eta gainerako % 10a operadoreei.
12 urte arteko adingabeentzako garraioaren doakotasunari dagokionez, haien "konpromisoa" dela eta horri eutsiko diotela azpimarratu du sailburuak. "Datorren urtean, urtarrilean, ahal dugun azkarren, hainbat egokitzapen egin behar ditugulako", gaineratu du.
Zure interesekoa izan daiteke
LABek Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.