Bizkaiko Batzar Nagusiek 2025erako aurrekontua onartu dute, EH Bilduren abstentzioarekin
Bizkaiak badu 2025erako aurrekontua, Batzar Nagusiek proiektua ontzat eman eta gero. Aurreikusita bezala, EAJk eta PSE-EEk alde bozkatu dute, eta EH Bildu abstenitu egin da. Hala adostu zuten joan den astean, kontuen inguruko akordioa iragarri zutenean. PPk eta Elkarrekin Podemosek, berriz, kontra bozkatu dute.
Modu horretan, Elixabete Etxanobe Bizkaiko Ahaldun Nagusiak aurrera ateratzea lortzen duen bigarren aurrekontuak dira. 10.660 milioi euro izango ditu bere Exekutiboak, datorren urteko politikak bideratzeko, iaz baino % 3,4 gehiago. EH Bildurekin lortutako akordioarekin, hasierako proiektutik 33 milioi euroko aldaketak onartu dira.
Gaurko saioan, EAJk eta PSE-EEk aurrekontuak izan duen "babes zabala" nabarmendu dute, 51etik "soilik bost" batzarkidek bakarrik bozkatu dutela aurka esanez. Mikel Bagan batzarkide jeltzalearen arabera, herritar guztiak aintzat hartu eta inor kanpoan uzten ez duen aurrekontua da. Akordioa lortzeko lan egin dutenen ahalegina txalotu du, "erantzukizunez" aritu direlako.
Ildo beretik, Goyo Zurro sozialistak ere ziurtatu du "arduratik" eta "begirada epe luzera" jarrita landutako proiektua dela. Gaur jasotako babesa "koiunturala ez izatea" espero duela ere gehitu du.
Bere aldetik, EH Bilduko Iker Casanovak akordioaren garrantzia azpimarratu du, koalizioak nahiko lituzkeen aurrekontuak ez direla aitortu arren. Proiektuan jasotako neurriak bizkaitarren onerako direla uste du, eta zentzu horretan, azaldu du ez dela koherentea "akordiorako dei egitea etengabe, txikiak izan arren, eta gero akordioei bizkar ematea".
Kontrara, PPk eta Elkarrekin Podemosek gogor kritikatu dituzte kontuak. Diego Pagadigorria popularraren iritzian, "kontinuistak" eta "diru-bilketa helburu" duten aurrekontuak dira, eta ez dute balio "enpresa txikien, autonomoen eta herritarren" beharrei erantzuteko.
Azkenik, alderdi moreko Eneritz de Madariagak bereziki gaitzetsi du EH Bilduk Foru Erakundeko bazkideekin akordioa itxi izana, eta sozialisten eta jeltzaleen politikak "zuritzea" leporatu dio koalizioari.
Zure interesekoa izan daiteke
Europar Batasuneko Justizia Auzitegiak zalantzan jarri ditu sektore publikoan aldi baterako kontratuen abusuaren aurka Espainiak hartutako neurriak
Europako justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa zabaldu du Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi duten bidaiariei Iberiak eskainiko die Panamara joatea, eta handik, uhartera. Habanan dituen bulegoak zabalik mantenduko ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.