Tramitera onartu dute Jaurlaritzaren aurkako salaketa, sektore publikoaren lan-baldintzak ez negoziatzeagatik
EAEko Justizia Auzitegi Nagusiak (EAEAN) tramitera onartu du ELAk Eusko Jaurlaritzaren aurka jarritako salaketa, sektore publikoko "100.000 pertsonaren lan-baldintzak negoziatu gabe" 2025erako aurrekontu proiektua onartzeagatik.
Sindikatu abertzaleak ohar batean azaldu duenez, Eusko Jaurlaritzak "askatasun sindikalaren eta negoziazio kolektiboaren oinarrizko eskubideak urratu zituen, lan-baldintzak inposatu zituelako, sindikatuekin negoziatu gabe". "Legeak aurreikusten duena alde batera utzita", ziurtatu du.
ELAk salatu duenez, Imanol Pradalesen Gobernu berriaren lehen aurrekontuetan "ez zituzten sindikatuak negoziatzera deitu ere egin", eta gogorarazi du aurrekontu horietan "EAEko administrazioetako behargin publiko guztien ordainsari-igoerak" ezartzen direla, eta, zehazki, "Eusko Jaurlaritzaren mende dauden 100.000 langile publiko baino gehiagorenak", baita enplegu publikoa lortzeko beste gai batzuk ere, "legez negoziatu beharrekoak".
Sindikatuak adierazi duenez, nahiz eta Jaurlaritza "irmo aurka agertu", helegitea tramitera ez onartzea nahi baitzuen, EAEko Auzitegi Nagusiko Administrazioarekiko Auzien Aretoak sindikatuen eskaera onartu du.
ELAk azaldu duenez, orain hasi da eskari horren ibilbide judiziala, eta sindikatuak eskatuko du onar dadila Jaurlaritzak, legediak ezarritakoari jarraituz, "aldez aurretik negoziatu behar zituela soldata eta enplegu baldintzak sindikatuekin".
Sindikatu abertzalearen hitzetan, Eusko Jaurlaritzak "askatasun sindikalerako eta negoziazio kolektiborako eskubidea urratu zuen, eta erakundeak konpondu beharko luke hori".
Zure interesekoa izan daiteke
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.