Bizkaiko Ogasunak 9.409 milioi euro bildu zituen iaz, 2023an baino 1,9 milioi gutxiago
Bizkaiko Ogasunak 9.409 milioi euro bildu zituen iaz itundutako zergen bidez, 2023an baino 1,9 milioi gutxiago. Hala, 2024rako aurreikusitako aurrekontuaren (9.829,5 milioi euro) % 95,7 bete da.
Bizkaiko Foru Aldundiaren Ogasun eta Finantza Sailak zabaldu ditu gaur datuok, ohar bidez. Bertan zehaztu dutenez, iazko emaitzak "lurraldearen sendotasuna" agerian uzten du. "Zifra horiek Bizkaiko Lurralde Historikoak 2024an izan duen sendotasuna erakusten dute. Izan ere, 2024an zenbait turbulentzia garrantzitsu izan ditu lurraldeak, hala nola hidrokarburoen sektoreko BEZari lotutako iruzurra eta 1978a baino lehen mutualitate batean kotizatu zuten pertsonei itzuli zaien 400 milioi euro inguruko kopurua", azaldu du foru erakundeak.
Aldundiaren arabera, zerga-bilketaren 2024ko azken zifran jada deskontatu dituzte Ekarpenen Legean ezarritako doikuntzen ondorioz egindako ordainketak: guztira, 1.076,6 milioi euro. Honela banatu dira doikuntza horiek: 940,4 milioi ordaindu zaizkio Gipuzkoari, eta 136,2 milioi, Arabari.
2024an, zuzeneko zergen bidez 4.860,1 milioi euro bildu ziren, 2023an baino % 0,3 gutxiago, eta zeharkako zergen ondoriozko behin betiko bilketa 3.373,0 milioi eurokoa izan zen, hau da, aurreko urtean baino % 0,9 gehiago.
Bestalde, Espainiako Estatuarekiko doikuntzen ondorioz, 1.114,7 milioi bildu ziren, aurreko ekitaldian lortutakoa baino % 5,0 gehiago. BEZaren doikuntzak, orokorrean, % 3,2 egin zuen gora, eta zerga berezien ondoriozko ordainketak, berriz, behera egin zuen, % 6,6.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.