Guardianek Laudioko lantegia ixteko dituen arrazoiak justifikatuta dauden ikertuko du Eusko Jaurlaritzak
Mikel Torres bigarren lehendakariorde eta Ekonomia, Lan eta Enplegu sailburua kezkatuta agertu da Guardian multinazionalak Laudion (Araba) duen lantegia itxiko duela iragarri duelako. Hala, iragarri du bere sailak aztertuko duela enpresak plantilla kaleratzeko eta fabrika ixteko jakinarazpenean zehaztutako arrazoiak betetzen ote diren.
Torresek gogorarazi du lantegi horretan 171 pertsona ari direla lanean, eta hori ixteak "dagoeneko beste itxiera garrantzitsu batzuk jasan dituen" eskualde bati eragiten diola.
Adierazi duenez, "orain gure esku dagoen guztia egin behar dugu enpresa horrek, beste bazkide batzuekin batera, Euskadiko jarduerari eta enpresa-proiektuari eutsi ahal izateko".
Azaldu du Eusko Jaurlaritza "gatazkari irtenbide bat bilatzeko lanean" ari dela, "etorkizuneko enpresa-proiektu sendo batean oinarrituta". Era berean, iragarri du Ekonomia, Lan eta Enplegu Sailak "zorrotz zainduko duela, Lan Ikuskaritzaren bidez, enplegu-erregulazioko espedienteen izapidetzeari eta kontsulta-aldiaren garapenari dagokienez indarrean dagoen legeria betetzen dela".
Era berean, gaineratu du bere sailak aztertuko duela "enpresak langileak kaleratzeko eta lantegia ixteko hasierako jakinarazpenean zehaztutako arrazoiak" gertatzen diren ala ez.
Enpresak ohar ofizial baten bidez azaldu duenez, lantegiko "labearen higadura-egoerak" eta karga-horman izandako "ustekabeko kalte kritikoak" konpainiari "modu seguruan eta fidagarrian lan egiten jarraitzea" eragozten diotelako itxiko dute Laudioko fabrika.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.