Espainiako ekonomia suspertu egin da 2024an, eta % 3,2ko hazkundearekin itxi du urtea
Espainiako Estatistika Institutuak (INE) asteazken honetan argitaratutako datuen arabera, Espainiako ekonomiak % 3,2ko hazkundearekin itxi zuen 2024a, 2023an izandako aurrerapena baino 0,5 puntu gehiago, batez ere kontsumo nazionalaren eta inbertsioaren bultzadagatik; kanpo-eskariak, ordea, ekarpen eskasagoa egin zion ekonomiari aurreko urtean.
Estatuko eskariak (kontsumoa eta inbertsioa) urteko hazkundeari lagundu zion, % 2,8 punturekin; kanpo-eskariak (esportazioak eta inportazioak), berriz, 0,6 puntu eman zituen.
Barne-produktu gordina (BPG) % 6,3 igo zen 2024an, eta 1.593 bilioi euroko maximo berria lortu zuen, 2023an baino 94.812 milioi gehiago.
Ekonomia Ministerioaren arabera, hazkundea orekatua izan da, eskaera nazionalak zein kanpokoak ekarpen positiboa egin dute, eta Espainiak euroguneko hazkundearen buru izaten jarraitzen du, BPGa herrialde horietan baino lau aldiz gehiago igo baita.
Familia-etxeetako kontsumoa % 2,8 hazi zen 2024an, aurreko urtean baino 1,1 puntu gehiago; administrazio publikoen azken kontsumoko gastuak, berriz, % 4,9ra murriztu zuen bere aurrerapena (2023an, % 5,2).
Inbertsioa % 2,3 hazi zen, aurreko urtean baino bi hamarren gehiago.
Eskaintzari dagokionez, nekazaritza izan zen 2024an gehien hazi zen sektore ekonomikoa (% 8,5), eta, ondoren, zerbitzuen sektorea (% 3,8), industria (% 2,9) eta eraikuntza (% 1,9).
Ekonomiak % 0,8 egin du aurrera laugarren hiruhilekoan. 2024ko laugarren hiruhilekoan soilik, ekonomiak % 0,8 egin zuen aurrera, familien kontsumoaren bultzadagatik eta enpresen inbertsioaren gorakadagatik.
Hirugarren hiruhilekoan eta bigarrenean erregistratutako tasa bera da, eta hamarren bat egin du gora lehen hiruhilekoko hazkundeak, % 1eraino.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.