Jaurlaritzak 1.268 plazako Lan Eskaintza Publikoa egingo du irakasleentzako irailean
Eusko Jaurlaritzaren Hezkuntza Sailak jakinarazi du 4.542 lanpostu publiko egonkortzeko prozesuak amaitu ostean, irailean, 1.268 plazako Lan Eskaintza Publikoa egingo duela Derrigorrezko Bigarren Hezkuntzako eta Lanbide Heziketako irakasleentzat.
Ohar batean, Hezkuntza Sailak jakinarazi du 4.542 postu horietatik, gehienak irakasleenak direla (3.542), 520 heziketa bereziko profesionalak direla, eta 480 sukaldekoak eta garbiketakoak. Guztiak izango dira aurrerantzean funtzionarioak edo langile finkoak.
Lanpostuak egonkortutakoan, Hezkuntza Sailak 1.268 plazako Lan Eskaintza Publikoa egingo du DBHko eta Lanbide Heziketako irakasleentzat. Laster iragarriko omen dituzte baldintzak eta deialdiaren epeak, baina aurreratu dute probak irailaren bigarren erdian izango direla.
Eskaintza horrekin behin-behineko langileen tasa % 4ra jaitsi nahi du Jaurlaritzak bi hezkuntza etapatan, eta % 8 baino baxuago kokatu hezkuntza sistema osoan.
Egonkortze prozesuetan esleitutako gainerako lanpostuen artean, 520 heziketa berezirako dira, 476 laguntzaile espezialistentzat, 14 zeinu hizkuntzako interpreteentzat, 13 fisioterapeutentzat, 10 okupazio terapeutentzat, 3 langile sozialentzat eta 4 transkripzio eta material egokitzapeneko profesionalentzat.
Sukaldeko eta garbiketako arloan, 283 eta 197 langilek egonkortuko dute kontratua, hurrenez hurren.
Begoña Pedrosa Hezkuntza sailburuak Jaurlaritzak irakasleen egonkortzearekin duen konpromisoa azpimarratu du Lan Eskaintza Publikoa iragarri ostean.
Zure interesekoa izan daiteke
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.