Sindikatuek "egiazko" negoziazioa eskatu diote Hezkuntza Sailari eta ez dute baztertzen greba gehiago egitea
Steilas, LAB, ELA eta CCOO sindikatuek —EAEko unibertsitatez besteko Hezkuntza publikoko irakasleen % 90 ordezkatzen dute— "egiazko" negoziazioa abiatzeko eskatu diote Eusko Jaurlaritzaren Hezkuntza Sailari. Are gehiago, aurrerapausorik ezean, ez dute baztertzen greba egun gehiago deitzea.
Aipaturiko sindikatuen ordezkarien arabera, Hezkuntza Sailak negoziazio mahaiaren azken bileran aurkeztutako edukiak ez dira nahikoak. Halaber, salatu dute gutxiengo sindikalarekin (UGT eta Interinok) lan-hitzarmen bat adosteko "ahalegina" egin duela Eusko Jaurlaritzak.
Gaur-gaurkoz, martxoaren 7rako deitu dute hezkuntzako mahai sektorialaren hurrengo bilera. Hala ere, nabarmendu dute hitzordu horretan negoziazioaren atal batzuk soilik jorratuko dituztela.
Testuinguru horretan, "edukirik gabeko" bilerak deitzeari utzi eta eskariei erantzungo dieten proposamenak mahai gainean jar ditzan eskatu die Steilas, LAB, ELA eta CCOO sindikatuek Hezkuntza Sailari.
Besteak beste, lan-kargak arintzeko, erretiroa aurreratzeko, erosahalmena berreskuratzeko, enplegua egonkortzeko eta bermatzeko, eta lan-osasuna, euskara eta berdintasuna bermatzeko neurrien beharra aldarrikatzen dute sindikatuek.
Mahai gainean jarri dituzten eskariei erantzun ezean, mobilizazioekin jarraitzeko indartsu daudela ohartarazi dute sindikatuek.
Sindikatuen deialdiarekin bat eginez, gaur, hezkuntza publikoko irakasleak berriro ere kalera atera dira. Kasu honetan, Gasteizen mobilizatu dira.
Aurreko hiru lanuzteek bezala, laugarrenak ere jarraipen zabala izan du irakasleen artean, % 75ekoa, sindikatu deitzaileen esanetan. Hezkuntza Sailak, ordea, % 48ra apaldu du jarraipenaren zenbatekoa.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.