Bost greba-egun gehiago deitu dituzte martxoan eta apirilean Hezkuntza publikoan
EAEko unibertsitatez kanpoko hezkuntza publikoko Steilas, LAB, ELA eta CCOO sindikatuek bost greba egun gehiago deitu dituzte martxoan eta apirilean. Oraingoan, irakasleak eta sukaldeetako eta garbiketako langileak denak batera mobilizatuko dira martxoaren 25ean, 26an eta 27an eta apirilaren 1ean eta 2an, "aldarrikapenetan bat egiten duten puntuak" badirelako. Modu horretan, sindikatuek jarraipena emango diote urtarrilean eta otsailean egindako 12 eguneko greba-dinamikari. Haurreskolen Partzuergoko langileak ere atera ziren kalera aurreko aldian, baina akordioa lortuta, oraingoan ez dira batu.
Sindikatuon ordezkariek Bilbon egin duten agerraldian eman dute jakitera mobilizazioekin jarraitzeko asmoa dutela. Azaldu dutenez, urte hasieran abiatutako lanuzteek "Hezkuntza Saila hitzarmen berrietarako proposamenak mahai gainean jartzera behartu" badute ere, edukiak euren aldarrietatik "oso urrun" daude oraindik. "Beraz, kalitatezko hezkuntzaren bidean lan baldintzak hobetu, sare publikoa erdigunean jarri eta inbertsio publikoa handitzea eskatzeko", erantsi dute, joan den hilabeteetan egindako "mobilizazio arrakastatsuek segida" izango dute.
Gogorarazi dute egun indarrean dauden lan-hitzarmenak duela 15 urte ingurukoak direla; irakasleena 2010ekoa da, eta sukaldeetako eta garbiketako langileena, 2009koa. Hitzarmen horiek "orain eta hemen" negoziatzea eta berritzea eskatu dute, eta negoziaziorako duen "jarrera itxia" alboratzeko galdegin diote Hezkuntza Sailari. Adierazi dutenez, komunikabideen aurrean atea irekita duela dio Hezkuntza Sailak; hitzarmen berria negoziatzeko mahaietan, ordea, jarrera itxia omen du. Sindikatuen esanetan, negoziazioa etengabe luzatzen eta gatazka desitxuratzen saiatzen dabil.
Aipatu dituzten aldarrikapenen artean daude "lan-zamak arintzeko neurri zehatzak", "erretiroa hartzeko baldintzak hobetzea", "plantillen gazte-berritze plana berritzea", "galdutako erosahalmena berreskuratzea" eta "ikastetxe publikoen fusio eta itxieren aurrean enplegu publikoa bermatzea".
Era berean, Hezkuntza publikoko sistema osoa "euskalduntzeko politikak" eta "berdintasun- eta hezkidetza-plan egonkorrak" exijitzen dituzte sindikatuek.
Jaurlaritza, "harrituta"
Bere aldetik, Eusko Jaurlaritza harrituta azaldu da greba deialdi honekin. Blanca Guerrero Hezkuntza Saileko Administrazio eta Zerbitzuen sailburuordeak ziurtatu du "mahai guztiak zabalik" daudela eta joan den asteko bileretan sindikatuek hainbat aurrerapen onartu zituztela.
Erantsi du ez dituela ulertzen sindikatuek defendatzen dituzten interesak. Bere hitzetan, "hekuntzaren kalitateak, ikasleek eta familiek" ez dute tokirik interes horietan.
Martxan jarritako "bost mahai sektorialetatik hirutan akordioa" ixtea lortu dutela ere esan du.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Bertan behera gelditu dira jada ekitaldi asko eta gora-beherak espero dira gaur kontzertu, antzerki eta kongresuetan.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.