Hauek dira Podemosek EAJ eta PSE-EErekin adostutako neurri fiskal nagusiak
Podemos Euskadik fiskalitateari buruzko aurreakordio berri bat lortu du PSE-EErekin eta EAJrekin. Horri esker, hiru lurralde historikoetako Batzar Nagusietan berrikuspena onartu ahal izango da, eta horrek alderdi morearen arabera, 1.038.841 euskalduni egingo die mesede, EAEko biztanleen ia erdieri, beraz.
Guztira, Podemos Euskadik 27 neurri sartzea lortu du, "errenta baxuei eta produkzio-sare ahulenari mesede egiteko, zerga-bilketaren galera lehengoratzeko, gehien duenak gehiago ordain dezan, eta alokairuko merkatura etxebizitza ateratzea bultzatzeko", besteak beste.
Hona hemen hitzartutako neurri aipagarrienak:
1. Errenta-aitorpena egiteko betebeharra 20.000 eurokoa izango da eta salbuetsita egongo dira lanbide arteko gutxieneko soldata kobratzen duten pertsonak.
2. Alokairua ordaintzen duten eta 20.000 eurotik beherako errentak dituzten pertsonek errentaren % 35 kendu ahal izango dute, 2.800 euroko mugarekin, baina jaso ahal izateko, errenta-aitorpena aurkeztu beharko dute.
3. Guztira, 107.000 autonomori, mikroenpresari eta enpresa txikiri handitu egingo zaie hobaria zuzeneko zenbatespen sinplifikatuan.
4. Emakume eta gazteentzako enplegua sortzearen aldeko kenkaria % 25etik % 35era igoko da, 3 urteko epean kontratatutako pertsonen soldata LGSaren % 170era igotzeko konpromisoarekin.
5. 68.000 eurora jaitsi da alokairuaren eta ohiko etxebizitza erostearen ondoriozko kenkarirako errentaren muga. Neurri hori kontratu eta erosketa berriei bakarrik aplikatuko zaie.
6. Araban eta Bizkaian hutsik dauden etxebizitzetarako Ondasun Higiezinen gaineko Zergaren errekargua % 150ekoa izango da.
7. Akzioen, bonuen, higiezinen edo sozietateetako partaidetzen ondoriozko kapital-errentek, interes, dibidendu, gainbalio edo higiezin-errenta gisa jasotzen badira, gehiago ordainduko dute: % 25etik % 28ra igoko da.
8. BGAEen (pentsio-planak) kapital bidezko erreskateen tributazioa handituko da; BGAEetatik dirua bat-batean (eta ez hilez hileko errenta gisa), kentzen dutenek gehiago ordaindu beharko dute horregatik.
9. Ezohiko mozkinengatiko Sozietateen gaineko Zerga modu mailakatuan igoko da, % 24tik % 28ra ezohiko mozkinak dituzten enpresa handien kasuan, eta zerga horren gutxieneko tasa % 17tik % 19ra igoko da enplegurik sortzen ez duten eta inbertsiorik egiten ez duten enpresa handien kasuan.
10. Orain arte Euskadin aplikatzen ez zen finantza-erakundeei ezarritako zerga berriaren araudia garatzea eta 2025ean indarrean sartzea, baita multinazionalen gaineko zerga ere.
Zure interesekoa izan daiteke
Etxeko hegaztien konfinamendua amaitu dute hegazti gripearen egoera hobetu ondoren
Neurria 2025eko azarotik egon da indarrean, eta bertan behera geratu da basa-hegaztien kasurik ez dagoela egiaztatu ondoren eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.