Greba bertan behera utzi dute Renfen eta Adifen, hasteko ordu gutxiren faltan akordioa lortuta
Sindikatuek bertan behera utzi dute Renfen eta Adifen aurreikusitako greba gauerdian hasi baino lau ordu lehenago, Garraio eta Mugikortasun Jasangarrirako Ministerioarekin akordio bat lortu ostean, negoziazioko iturriek agentziei azaldu dietenez.
Renferen eta Adifen sindikatu nagusiek (Semaf, CCOO, UGT, CGT, SF-I eta SCF) zazpi greba-egun deituta zituzten martxoaren 17, 19, 24, 26 eta 28rako, bai eta apirilaren 1erako eta 3rako ere, Rodalies eta Renfe Aldiriak enpresen kasuan 2023ko akordioak ez betetzea leporatzen ziotelako Ministerioari.
Mobilizazioak eten ezean, lehen bost egunetan, Renfek programatutako 4.260 trenetatik ia 1.400 tren (1.383), abiadura handiko eta distantzia luzeko 428, distantzia ertaineko 955 eta merkantziak eramaten dituzten 740 ziren bertan behera uztekoak.
Lortutako akordioa
Ministerioak, Generalitateko Lurralde, Etxebizitza eta Trantsizio ekologikoareki sailak, eta Renfe eta Adifeko enpresa-batzorde orokorretan dauden sindikatu gehienek (CGTk izan ezik) hainbat akordio lortu dituzte greba bertan behera uzteko.
Ministerioak eta Generalitateak ohar bateratu batean adierazi dutenez, aldeek lortu duten adostasunak, praktikan, ahalbidetuko du astelehen honetan "aurreikusitako trenbide-zerbitzuak ia normaltasun osoz ematea".
Renfeko eta Adifeko greba bertan behera uzteko Garraio Ministerioak sindikatuei igande arratsalde honetan mahai gainean jarri dien proposamena aldez aurretik ERCrekin hitzartuta zegoen. Horren bidez, ERCk "aldi baterako" onartu du Rodalies zerbitzua Generalitateari eskualdatu behar dion enpresa Renfe taldeari atxikita egotea.
ERCko iturrien arabera, Estatuaren eta Generalitatearen artean sortutako konpainia berria Renfe taldeari atxikitzeak langileen eskaerei erantzutea ahalbidetzen du, PSOEk eta ERCk adostutako eskualdaketarekin eskuratutako lan-eskubideak galtzeko beldur baitziren beharginak.
Horrela, Renfe Taldearen parte izango den filial bat eratuko du konpainiak (Renfe Viajerosek izango du akzioen partaidetza handiena). Bertan, hitzarmen kolektiboa, bermeen akordioa eta Renfe Taldearen indarreko lan-akordio guztiak aplikatuko zaizkie langileei.
Iturri berdinek gaineratu dutenez, Gobernuak akzioen gehiengoa duen heinean, Renferen zorra ez du oraingoz Generalitateak hartuko bere gain.
Hala ere, errepublikanoek azladu dutenez, azken helburua da Rodalies kudeatuko duen "enpresa % 100 katalan bat egotea" eta, irtenbidea, beraz "behin-behinekoa" dela azpimarratu du, langileen eskubideak bermatu eta sindikatuekin urak "baretzera" begira hartutakoa.
Zure interesekoa izan daiteke
ENBA: "Aurrerapausoa da, baina behin betiko borroka Europako Parlamentuak ituna berresteko bozketan izango da"
Xabier Iraola ENBA baserritarren sindikatuko koordinatzailearen ustez, Europako Parlamentuaren erabakiak Mercosurreko ituna atzeratuko du, "aurrerapauso bat da”, eta sektorearen interesen alde mobilizatu diren pertsona guztiak zoriondu ditu. Hala ere, ohartarazi du Europako Parlamentuaren "behin betiko bozketa" datozen hilabeteetan iritsiko dela, "otsailean edo martxoan".
Itunpeko hezkuntzako langileak, patronalarekin lortutako akordioak betetzea aldarri
ELAk adierazi du berak deitutako grebarekin bat egin zezaketen langileen herenak lanuztea egin duela. CCOO, Steilas, LAB eta UGT sindikatuek elkarretaratzeak egin dituzte eskola-orduen murrizketari buruzko epaiketa egin den epaitegiaren aurrean.
ELAk eta LABek espero dute auzitegiak LGS propioa "negoziatzera zigortuko" duela Confebask
Nolanahi ere, sindikatuek adierazi dute mobilizazioak "LGS propioa lortzeko aukera" benetan zehaztuko du, eta martxoaren 17ko greba orokorrean parte hartzeko deia egin dute. Confebaskek, bere aldetik, Euskadiko langile guztientzako LGS propioa "ez dela negoziagarria" defendatu du, "arau-tresna" dela argudiatuta.
EAEko langile publikoek urtarrilean jasoko dituzte iazko soldata igoerari dagozkion atzerapenak
Halaber, otsaileko nominatik aurrera 2026. urteari dagokion % 1,5eko soldata igoera aplikatuko zaie.
Greba eta mobilizazio eguna dute itunpeko ikastetxeek, 2024ko akordioa betetzea eskatzeko
ELA sindikatuak 120.000 irakasle deitu ditu grebara. CCOO, Steilas, LAB eta UGT sindikatuek ez dute greba babestu, baina mobilizazioak deitu dituzte. Halaber, greba egunarekin bat eginez, eskola-orduak murriztearen inguruan jarritako salaketaren epaiketa-saioa egingo da EAEko Auzitegi Nagusian.
Espainiako Gobernuak eta sektoreak arrantzaren gaineko kontrola malgutzea adostu dute
EBren araudi berriaren kontrako protesta-eguna izan du sektoreak gaur, hala, besteak beste, baxurako euskal ontziteria amarratuta egon da, eta Pasaiako (Gipuzkoa), eta Ondarroako eta Bermeoko (Bizkaia) lonjak itxi egin dituzte.
Euskal gehiengo sindikalak martxoaren 17ko greba orokorra erregistratuko du gaur
ELAk, LABek, Steilasek, ESK-k, Etxaldek eta Hiruk lanbidearteko gutxieneko soldata 2026an 1.500 eurokoa izatea proposatu dute. Dena den, EAEko eta Nafarroako parlamentuek onartu behar dute.
ELA, LAB, Steilas, Hiru eta Etxalde sindikatuek martxoaren 17ko greba erregistratu dute, Euskadi eta Nafarroarako LGS propioaren alde
Eusko Jaurlaritzaren egoitzan ofizialki erregistratu ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Euskal ekonomia % 1,9 haziko da 2026an; 2027an % 1,6 haziko da eta langabezia % 6tik jaitsiko da
Mikel Torres sailburuak ziurtatu duenez, industria da, gaur egun, "kezkarik handiena", 2025ean "% 0,3 baino ez baita hazi". Hala ere, 2026rako "baikor" agertu da, "industriaren sektorea pixkanaka suspertzea" espero baitu: "Seinaleak ikusten hasi gara".
Arrantzaleen kofradiek jarduna eten dute, EBren araudi berriaren aurka protestan
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik" egin behar izatea. Eskakizun horiek, sektorearen ustez, ez datoz bat baxurako arrantzaren eguneroko errealitatearekin.