Langile bat hil da Arratzun, elektrokutatuta
Behargin bat hil da gaur goizean Arratzun (Bizkaia), aire librean lanean ari zela goi-tentsioko linea baten deskarga elektrikoa jasota.
SOS Deiak larrialdietarako zerbitzuak 09:07an jaso du istripuaren abisua, Eusko Jaurlaritzako Segurtasun Sailak jakitera eman duenez. Anbulantzia bat, suhiltzaileak eta Ertzaintzaren hainbat patruila bertaratu dira, baina ez dute langilea salbatzerik izan. Ezbeharraren lekuan bertan zendu da.
Bizkaiko Suhiltzaileen iturriek azaldu dutenez, baserri bateko teilatua konpontzen ari zen langilea, eta teilak garraiatzeko garabiak goi tentsioko kable bat ukitu duenean izan da deskarga.
Iberdrolako langileak eta Osalan Laneko Segurtasun eta Osasunerako Euskal Erakundeko teknikaria ere joan dira istripuaren lekura. Azken horrek hartu dute bere gain ikerketa.
61 urteko behargin portugaldarra Amuriza Cubiertas y Rehabilitaciones SL enpresan ari zen lanean, eta Loiola auzoko baserri bateko teilatura materialak igotzen ari zela, garabiak goi-tentsioko linea bat ukitu du, eta elektrokutatu egin da, ELAk eta CCOOk Osalanen lehen txostena aipatuz azaldu dutenez.
ELAren arabera, 13 langile hil dira aurten Hego Euskal Herrian, Bizkaiko bigarrena eta eraikuntza sektoreko hirugarrena; LABen datuen arabera, berriz, 14 izan dira hildako beharginak.
CCOOk esan du 2025ean lau pertsona hil direla lanpostuan Euskal Autonomia Erkidegoan, horietatik erdiak eraikuntza sektorean.
LABek adierazi du luma garabiak erabiltzeko berariazko prestakuntza behar dela, eta goi-tentsioko instalazioak hurbil egoteak prebentzio neurriak eta lana behar bezala planifikatzea eskatzen duela. "Gaurko istripuaren kasuan, jakina, ez dira gutxieneko segurtasun baldintzak bermatu", kritikatu du.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.